«Samuryq Qazyna» ulttyq ál aýqat qorynyń ekonomikadaǵy róline qatysty másele taǵy kóterildi, dep habarlaidy Dalanews.kz.
Májilis depýtaty Baqytjan Bazarbek Dala News tilshisiniń saýalyna jaýap bere otyryp, qordyń tiimdiligine kúmán baryn ashyq aitty.
«Eger «Samuryq Qazyna» ekonomikaǵa úlesi jáne oń yqpaly kóbeimese, osy ýaqytqa deiin qoǵamǵa, moinymyzǵa, biýdjetke úlken salmaq túsirip, eshqandai ózgeris bolmasa, biz bolashaqta bul qordyń elge qajet pe, álde qajeti joq pa degen saýaldy oilaýymyz kerek», – dedi depýtat.
Onyń sózinshe, qordyń basty mindeti – ulttyq kompaniialardy tiimdi basqarý arqyly ekonomikanyń naqty sektoryna serpin berý. Eger bul maqsat oryndalmasa, qurylymnyń ózi qaita qaralýy múmkin.
Depýtattyń málimdemesi ulttyq ál aýqat qorynyń ashyqtyǵy, tiimdiligi jáne biýdjetke júktemesi jónindegi qoǵamdyq pikirtalasty qaita jandandyrdy.
