«سامۇرىق قازىنا» ۇلتتىق ءال اۋقات قورىنىڭ ەكونوميكاداعى رولىنە قاتىستى ماسەلە تاعى كوتەرىلدى، دەپ حابارلايدى Dalanews.kz.
ءماجىلىس دەپۋتاتى باقىتجان بازاربەك Dala News ءتىلشىسىنىڭ ساۋالىنا جاۋاپ بەرە وتىرىپ، قوردىڭ تيىمدىلىگىنە كۇمان بارىن اشىق ايتتى.
«ەگەر «سامۇرىق قازىنا» ەكونوميكاعا ۇلەسى جانە وڭ ىقپالى كوبەيمەسە، وسى ۋاقىتقا دەيىن قوعامعا، موينىمىزعا، بيۋدجەتكە ۇلكەن سالماق ءتۇسىرىپ، ەشقانداي وزگەرىس بولماسا، ءبىز بولاشاقتا بۇل قوردىڭ ەلگە قاجەت پە، الدە قاجەتى جوق پا دەگەن ساۋالدى ويلاۋىمىز كەرەك»، – دەدى دەپۋتات.
ونىڭ سوزىنشە، قوردىڭ باستى مىندەتى – ۇلتتىق كومپانيالاردى ءتيىمدى باسقارۋ ارقىلى ەكونوميكانىڭ ناقتى سەكتورىنا سەرپىن بەرۋ. ەگەر بۇل ماقسات ورىندالماسا، قۇرىلىمنىڭ ءوزى قايتا قارالۋى مۇمكىن.
دەپۋتاتتىڭ مالىمدەمەسى ۇلتتىق ءال اۋقات قورىنىڭ اشىقتىعى، تيىمدىلىگى جانە بيۋدجەتكە جۇكتەمەسى جونىندەگى قوعامدىق پىكىرتالاستى قايتا جانداندىردى.
