«Samuryq-Qazyna» Qairat Boranbaevtyń munai kompaniiasyn naryqtyq baǵadan tórt ese tómen baǵaǵa satyp aldy, dep habarlaidy Dalanews.kz.
«Kýrsiv» basylymynyń habarlaýynsha, áńgime Phystech II kompaniiasy týraly. Mámile quny - 8,1 mlrd teńge. Buǵan deiin Qarjy monitoringi agenttigi (QMA) kompaniianyń aktivterin 35,4 mlrd teńgege baǵalaǵan bolatyn.
«Samuryq-Qazyna» jariialanǵan aktsiialar sheginde 1 myń qarapaiym aktsiiany ornalastyrdy, olardyń árqaisysynyń baǵasy 8,1 mln teńge dep belgilendi. Artyqshylyqty satyp alý quqyǵy qordyń jalǵyz aktsioneri – Qazaqstan úkimetinde boldy.
Úkimet bul aktsiialardy Phystech II kompaniiasynyń tolyq aktsiialar paketimen tóledi.
Buryn kompaniia kásipker Qairat Boranbaevqa tiesili bolǵan, alaida 2023 jyldyń kúzine qarai ol memleketke erikti túrde jáne óteýsiz berildi.
Aita keteiik, Phystech II 2015 jyly Aqtaýda tirkelgen. Kompaniia shiki munai men ilespe gaz óndirýmen ainalysady. Munai Mańǵystaý oblysyndaǵy Soltústik Qarajanbas ken ornynda óndiriledi.
Kompaniianyń 2078 jylǵa deiin igerý jáne óndirý josparlary bar. Jalpy 7,2 mln tonna munai óndirýdi josparlap otyr.
