«سامۇرىق-قازىنا» قايرات بورانبايەۆتىڭ مۇناي كومپانياسىن نارىقتىق باعادان ءتورت ەسە تومەن باعاعا ساتىپ الدى، دەپ حابارلايدى Dalanews.kz.

«كۋرسيۆ» باسىلىمىنىڭ حابارلاۋىنشا، اڭگىمە Phystech II كومپانياسى تۋرالى. مامىلە قۇنى - 8،1 ملرد تەڭگە. بۇعان دەيىن قارجى مونيتورينگى اگەنتتىگى (قما) كومپانيانىڭ اكتيۆتەرىن 35،4 ملرد تەڭگەگە باعالاعان بولاتىن.

«سامۇرىق-قازىنا» جاريالانعان اكسيالار شەگىندە 1 مىڭ قاراپايىم اكسيانى ورنالاستىردى، ولاردىڭ ءارقايسىسىنىڭ باعاسى 8،1 ملن تەڭگە دەپ بەلگىلەندى. ارتىقشىلىقتى ساتىپ الۋ قۇقىعى قوردىڭ جالعىز اكسيونەرى – قازاقستان ۇكىمەتىندە بولدى.

ۇكىمەت بۇل اكسيالاردى Phystech II كومپانياسىنىڭ تولىق اكسيالار پاكەتىمەن تولەدى.

بۇرىن كومپانيا كاسىپكەر قايرات بورانبايەۆقا تيەسىلى بولعان، الايدا 2023 جىلدىڭ كۇزىنە قاراي ول مەملەكەتكە ەرىكتى تۇردە جانە وتەۋسىز بەرىلدى.

ايتا كەتەيىك، Phystech II 2015 جىلى اقتاۋدا تىركەلگەن. كومپانيا شيكى مۇناي مەن ىلەسپە گاز وندىرۋمەن اينالىسادى. مۇناي ماڭعىستاۋ وبلىسىنداعى سولتۇستىك قاراجانباس كەن ورنىندا وندىرىلەدى.

كومپانيانىڭ 2078 جىلعا دەيىن يگەرۋ جانە ءوندىرۋ جوسپارلارى بار. جالپى 7،2 ملن توننا مۇناي ءوندىرۋدى جوسپارلاپ وتىر.