"Samuryq-Qazyna" ulttyq ál-aýqat qorynyń" jalǵyz aktsioneri UÁQ-nyń 2023 jylǵa arnalǵan jyldyq qarjylyq esebin bekitti. Esep Qazaqstan qor birjasynda jariialandy, dep habarlaidy Dalanews.kz.
"Samuryq-Qazyna" qorynyń jalǵyz aktsioneri QR Úkimeti ekenin aita ketelik.
Sonymen Úkimet bylai dep sheshti:
- 2023 jylda tapqan 1,7 trln teńgege jýyq somany qamtityn qordyń taza kirisin bólý tártibin bekitý;
- taza paidanyń 50 mlrd teńgesin "Qazaqstan halqyna" qoryna aýdarylsyn,
- qalǵan bóligi qor men oǵan qarasty kompaniialardyń investitsiialyq baǵdarlamalaryn qarjylandyrý, boryshtyq mindettemelerin óteý jáne aktivter satyp alý úshin qordyń ózine qaldyrylsyn.
Biraq divident tóleý jaily ol arada bir aýyz sóz aitylmaidy.
Aita ketsek, 2023 jyly "Ashyq NQA" portalynda tiisti qaýly jariialanǵan bolatyn. Onda "Samuryq-Qazynaǵa" enshiles uiymdary tabysynyń 50 paiyz kólemin dividentke jumsaýy tiis ulttyq kompaniialardy tizimnen alyp tastaý usynylǵan.
2023 jyly jeltoqsanda memqor KASE-ge 2022 jyl úshin divident tólegeli jatqanyn habardar etti. Ol kezde bir jai aktsiia úshin tólenetin divident kólemi 68,36 teńgeni quraǵan. Sóitip 238 mlrd 026 mln teńge divident tóleýge jumsalǵan. Al "Qazaqstan halqyna" qoryna 66 mlrd 614 mln teńge aýdarylǵan. 2024 jyly sáýirde qor jai aktsiialary boiynsha 2022 jyldyń taza kirisinen taǵy 100 mlrd 002 mln 138 myń teńge, al shildede 63 mlrd 545 mln 929 myń teńge divident tólegeni habarlanǵan.
2022 jyly "Samuryq Qazyna" qordyń divident saiasatyn 124 paiyzǵa oryndaǵanyn jariia etti. Iaǵni, 254 mlrd teńgeniń ornyna aktsionerge tólengen soma 302 mlrd teńgeni qurady (!).
Aita ketsek, 2023 jyly Úkimet "Qazaqstan halqyna" qoryna "Samuryq-Qazyna" UÁQ-nyń taza kirisiniń 7%-yn aýdarý tártibin bekitken bolatyn.
