"Almaty elektr stantsiialary" AQ sot sheshimimen básekelestik týraly zańnamanyń talaptaryn buzǵany úshin ákimshilik jaýapkershilikke tartyldy. Bul sheshim Almaty qalasy boiynsha Básekelestikti qorǵaý jáne damytý agenttiginiń departamenti júrgizgen tergep-tekserý nátijeleri negizinde shyǵaryldy, dep habarlaidy Dalanews.kz.
Tergep-tekserý Almaty indýstriialyq aimaǵynda qyzmetin júzege asyratyn naryq sýbektileriniń quqyqtaryn qorǵaý maqsatynda bastalǵan bolatyn.
Indýstriialyq aimaq – jeke kásipkerlikke memlekettik qoldaý kórsetý maqsatynda qurylǵan jáne Almaty qalasynda ónerkásiptiń basym baǵyttaryn damytýǵa arnalǵan. Onyń aýmaǵynda 118 kásipkerlik sýbektisi tirkelgen, olardyń jalpy investitsiia kólemi 400 mlrd teńgeden asady. Energiia resýrstaryn jetkizý jáne tutyný shyǵyndaryn azaitý úshin memleket tarapynan tikelei JEO-2 shinalaryna qosylǵan jeliler júrgizilgen.
"Departamenttiń tergep-tekserýi barysynda "AlES" AQ indýstriialyq aimaqta qalalyq elektr jelileriniń bolmaýyna qaramastan, energiiamen jabdyqtaýshy uiymdy affiliirlengen elektr jetkizýshi uiymnyń jelileri arqyly beriletin qosymsha elektr energiiasyn satyp alýǵa mindettegeni anyqtaldy. Tergep-tekserý nátijeleri boiynsha "AlES" AQ-qa qatysty QR ÁQBtK-niń 159-babynyń 3-1 bóligine sáikes ákimshilik quqyq buzýshylyq týraly is qozǵaldy. Sot "AlES" AQ-ty 4,4 mlrd teńge mólsherinde aiyppul túrindegi ákimshilik jaýapkershilikke tartty. Búgingi kúni qaýly zańdy kúshine endi, aiyppul tolyq kólemde tólendi", delingen BQDA habarlamasynda.
Aita ketsek, "AlES" AQ 2006 jyly quryldy. Onyń qurylymyna 8 óndiristik bólimshe kiredi: JEO-1; JEO-2; JEO-3; Qapshaǵai GES; Kaskad GES; Batys jylý kesheni (BTK); "Energojóndeý" óndiristik-jóndeý kásiporny (ÓJK); Otyndy qabyldaý jáne túsirý ortalyǵy (TsPVT). "AlES"-tiń jalǵyz aktsioneri "Samuryq-Energo" AQ bolyp tabylady.
Buǵan deiin Jetisý oblysynda GES-te apat bolǵanyn jazǵanbyz.
