Túrkistandyq delegasıa Samarqanda Túrkistan oblysynyń týrısik potensıalyn tanystyrý, eki el arasynda týrızmdi damytý, óńirge halyqaralyq reısterdi ashý boıynsha ózbekstandyq tarappen kezdesýge keldi.
Kezdesý aıasynda Túrkistan oblysy Mádenıet jáne týrızm basqarmasynyń orynbasary Nurdáýlet Medeýov, “Qazaqtýrızm” ókilderi Qazaqstannyń, onyń ishinde Túrkistan oblysynyń týrısik áleýetin tanystyrdy.
Atalǵan jıynǵa YDA GROUP dırektorlar keńesiniń múshesi Gúvench Hamdı, “Karavansaray Turkistan” týrısik kompleksiniń dırektory Onan Murat, “Turkistan International Airport” halyqaralyq aeroportynyń dırektory İlıas Nuǵmanov, týrısik kompanıa ókilderi, trevel-blogerler qatysty.
Sharanyń moderatory retinde sóz alǵan Túrkistan oblysy Mádenıet jáne týrızm basqarmasy basshysynyń orynbasary Nurdáýlet Medeýov Túrkistan oblysynyń týrısik áleýetin, týrızmniń úsh baǵytyn atap ótti.
“Túrkistan óńiri týrısik nysandarǵa baı. Bizde emdik-saýyqtyrý, tarıhı-tanymdyq týrızmi, ekotýrızm baǵyttary qarqyndy damýda. Atalǵan baǵyttar boıynsha túrli formatta eki el arasynda aqparattyq týrlar uıymdastyrýǵa bolady” dedi delegasıa múshesi.
Eýrazıa aımaǵynyń barlyq negizgi qurlyqtyq tranzıttik joldarynyń qıylysynda ornalasqan Ortalyq Azıa aımaǵy árqashan Shyǵys pen Batys, Eýropa men Azıa mádenıetteri arasyndaǵy "komýnıkasıalyq dáliz" rólin atqarýda.
Ózbekstan Respýblıkasy bul baǵytta úlken ról atqarady. Ózbekstanmen aradaǵy týrısik baılanysty nyǵaıtý maqsatynda eki taraptyń týrısik kompanıalarynyń resmı kezdesýi B2B formatynda jalǵasyn tappaq.
Esterińizge sala keteıik, 22 naýryzda Túrkistan-Samarqand baǵytynda alǵashqy áýe reısi jasaldy, bul týrızmdi damytý salasyndaǵy ózara qarym-qatynastardy damytýǵa qosymsha yntalandyrý bolady.
