Saltanat Núkenovanyń aǵasy Aitbek Amangeldi 22 shildede bostandyqqa shyqqan Baqytjan Baijanovtyń bosatylýyna qatysty pikirin bildirdi. Ol óz ustanymyn Instagram jelisindegi Stories-te jariialady, dep habarlaidy dalanews.kz.
Aitbek Amangeldiniń aitýynsha, advokattar bul máseleni jan-jaqty zerdelep, qalyptasqan jaǵdaiǵa zań aiasynda yqpal etý múmkin emes degen qorytyndyǵa kelgen. Sondai-aq ol qoldanystaǵy tártipke sáikes bul másele jábirlenýshi taraptyń qatysýynsyz qaralǵanyn atap ótti.
Sonymen birge, ol amnistiia adamnyń kinásiz ekenin bildirmeitinin erekshe aitty.
«Amnistiia – "kinásiz" degen sóz emes. Amnistiia sot úkiminiń kúshin joimaidy, adamdy kinásiz dep tanymaidy jáne sot belgilegen kináni joqqa shyǵarmaidy. Baijanov alty jyl boiy probatsiialyq baqylaýda bolatyn sottalǵan adam bolyp qala beredi», – dep jazdy Aitbek Amangeldi.
Keiin ol videoúndeý jariialap, otbasy men advokattar jaǵdaidy talqylap, ony ózgertýge múmkindik beretin zańdy tetikterdiń joq degen ortaq pikirge kelgenin aitty.
«Biz bul jaǵdaiǵa eshqandai yqpal ete almaimyz. Kassatsiialyq sotta biz jeńdik. Onyń kassatsiiadaǵy maqsaty ózin kinásiz dep taný bolatyn. Bul oryndalǵan joq. Onyń sottylyǵy saqtalady. Ol – qylmys jasaǵan adam», – dedi Aitbek Amangeldi.
Ol bul jaǵdaidy jeke ózi qabyldaý qiyn ekenin de jasyrmai, alaida qazirgi tańda bul máseleni jabyq dep esepteitinin jetkizdi.
Eske salaiyq, Baqytjan Baijanov 22 shildede sottyń raqymshylyq jasaý týraly zańdy qoldaný jónindegi qaýlysynyń negizinde bostandyqqa shyqqan bolatyn.
