Qazaqstannyń ishki ister ministri Erjan Sadenov bul suraqqa naqty jaýap bermedi. Alaida ol Baqytjan Baijanov shartty túrde merziminen buryn bosatý (ShMBB) týraly ótinish bildirmegenin aitty, dep habarlaidy Dalanews.kz.
“Merziminen buryn bosatý tek sot sheshimimen ǵana júzege asyrylady. Bishimbaevtyń inisine qatysty bizge eshqandai material túsken joq”, — dedi ministr.
Eske salaiyq, Baqytjan Baijanov atyshýly Saltanat Núkenovanyń ólimine bailanysty qozǵalǵan is boiynsha qylmysty jasyryp qalǵany úshin 4 jylǵa bas bostandyǵynan aiyryldy.
Keiingi kúnderi jelide onyń merziminen buryn bosap shyǵýy múmkin degen aqparat tarady. Óitkeni Qazaqstan Konstitýtsiiasynyń 30 jyldyǵyna orai elimizde shamamen 15 myń sottalýshyǵa amnistiia jariialanǵan.
Bishimbaevtyń ózi bul raqymshylyqqa ilinbeidi – sebebi ol kisi óltirgeni úshin sottalǵan. Al onyń inisi Bahytjan Baijanovtyń amnistiiaǵa iliný yqtimaldyǵy bar.
