قازاقستاننىڭ ىشكى ىستەر ءمينيسترى ەرجان سادەنوۆ بۇل سۇراققا ناقتى جاۋاپ بەرمەدى. الايدا ول باقىتجان بايجانوۆ شارتتى تۇردە مەرزىمىنەن بۇرىن بوساتۋ (شمبب) تۋرالى ءوتىنىش بىلدىرمەگەنىن ايتتى، دەپ حابارلايدى Dalanews.kz.
“مەرزىمىنەن بۇرىن بوساتۋ تەك سوت شەشىمىمەن عانا جۇزەگە اسىرىلادى. بيشىمبايەۆتىڭ ىنىسىنە قاتىستى بىزگە ەشقانداي ماتەريال تۇسكەن جوق”، — دەدى مينيستر.
ەسكە سالايىق، باقىتجان بايجانوۆ اتىشۋلى سالتانات نۇكەنوۆانىڭ ولىمىنە بايلانىستى قوزعالعان ءىس بويىنشا قىلمىستى جاسىرىپ قالعانى ءۇشىن 4 جىلعا باس بوستاندىعىنان ايىرىلدى.
كەيىنگى كۇندەرى جەلىدە ونىڭ مەرزىمىنەن بۇرىن بوساپ شىعۋى مۇمكىن دەگەن اقپارات تارادى. ويتكەنى قازاقستان كونستيتۋسياسىنىڭ 30 جىلدىعىنا وراي ەلىمىزدە شامامەن 15 مىڭ سوتتالۋشىعا امنيستيا جاريالانعان.
بيشىمبايەۆتىڭ ءوزى بۇل راقىمشىلىققا ىلىنبەيدى – سەبەبى ول كىسى ولتىرگەنى ءۇشىن سوتتالعان. ال ونىڭ ءىنىسى باحىتجان بايجانوۆتىڭ امنيستياعا ءىلىنۋ ىقتيمالدىعى بار.
