Búgingi kúnderi salyq tóleýshilerdiń elektrondyq meken-jailaryna jáne áleýmettik jelilerge "bank shottaryndaǵy aqsha esebinen biýdjetke bereshekti óndirip alýdy buzýshylyqtardy joiý týraly eskertý" degen sipatta internet-alaiaqtar habarlamalar jiberip jatyr, dep jazady Dalanews.kz.
Osy rette Memlekettik kirister komiteti (MKK) ózderiniń aqparattyq júielerinen salyq tóleýshilerdiń elektrondyq poshtalaryna habarlama jiberilmeitinin naqtylaidy. Ondaǵy barlyq habarlama normativtik-quqyqtyq aktilermen bekitilgen. QR QM MKK aqparattyq júielerinde habarlamalardy qalyptastyrý kezinde habarlama nómirleri olarǵa engizilgen algoritm boiynsha avtomatty túrde jasalady. Atap aitqanda, MKK aqparattyq júieleri habarlamalardy tek:
- salyq tóleýshiniń kabinetine,
- "elektrondyq úkimet" portalynyń jeke kabinetine
- "E-salyq" mobildi qosymshalaryna jiberedi.
"Salyq tóleýshi habarlamalardyń bir bóligin birden óziniń jeke kabinetinde KTS, EÚP nemese ESA, ESO-da kóre alady. Bul rette kameraldyq baqylaý nátijeleri boiynsha qalyptastyrylǵan habarlamalar salyq tóleýshi qol qoiylǵan PDF nysanyn óziniń elektrondyq poshtasyna KTS nemese EÚP arqyly derbes suratady", delingen habarlamada.
Osyǵan bailanysty, MKK qyraǵylyq tanytýǵa jáne jalǵan habarlamalarǵa senbeýge, qolma-qol aqsha aýdarmaýǵa, kúmándi siltemeler boiynsha ótpeýge, alynǵan habarlamalardyń durystyǵyn tekserýge keńes beredi.
