Saian Muratuly Balqash qalasynyń ákimi bolyp taǵaiyndaldy, dep habarlaidy dalanews.kz.
«Qazaqstan Respýblikasy Prezidenti Ákimshiliginiń jáne qalalyq máslihat depýtattarynyń kelisimimen Balqash qalasynyń ákimi bolyp Saian Muratuly taǵaiyndaldy», – dep málimdeidi Qaraǵandy oblysy ákimdiginiń baspasóz qyzmeti.
Saian Muratuly memlekettik basqarý júiesinde 2015 jyldan beri eńbek etedi. Memlekettik qyzmettegi eńbek jolyn Balqash qalasynyń turǵyn úi-kommýnaldyq sharýashylyǵy, jolaýshylar kóligi jáne avtomobil joldary bóliminde bas maman qyzmetinen bastaǵan.
Keiin Qaraǵandy oblysynyń energetika jáne turǵyn úi-kommýnaldyq sharýashylyǵy basqarmasynda sýmen jabdyqtaý jáne sý burý bóliminiń bas mamany jáne bólim basshysy bolyp jumys istegen.
2022-2024 jyldary Aqtoǵai aýdany ákiminiń orynbasary qyzmetin atqardy. Odan keiin Qaraǵandy oblysynyń qurylys, sáýlet jáne qala qurylysy basqarmasy basshysynyń orynbasary boldy.
2025 jyldyń tamyz aiynan bastap Balqash qalasynyń ákimi bolyp taǵaiyndalǵanǵa deiin Qaraǵandy oblysynyń qurylys, sáýlet jáne qala qurylysy basqarmasyn basqarǵan.
