Eýraziialyq ekonomikalyq komissiia (EEK) alqasynyń tóraǵasy Baqytjan Saǵyntaev Resei Federatsiiasynyń basshysy Vladimir Pýtinmen kezdesti. Resmi málimetter boiynsha, kezdesýde Saǵyntaev jaqyn arada Eýraziialyq ekonomikalyq odaq (EAEO) elderi ulttyq valiýtadaǵy esepteýlerge tolyǵymen aýysa alady degen úmit bildirgen, - dep habarlaidy Dalanews.kz.
Baqytjan Saǵyntaev 2021 jylǵa deiin mundai esepteýlerdiń úlesi 70 paiyzdan asqanyn, 2022 jyly 80 paiyzǵa deiin óskenin, al biyl 90 paiyzǵa jetkenin atap ótken. Saǵyntaev mundai damý qarqyny kezinde jaqyn arada EAEO elderi arasyndaǵy ulttyq valiýtalarda esep aiyrysýǵa tolyq kóshýge qol jetkiziletinine senim bildirgen.
Sonymen qatar, ol EAEO ekonomikalyq kórsetkishterindegi oń dinamikany týraly aitqan. Atap aitqanda, 2023 jyly EAEO-daǵy bólshek saýda ainalymy 6,6 paiyzǵa ósken, negizgi kapitalǵa investitsiialar 10 paiyzǵa, ónerkásiptik óndiris 4 paiyzǵa, al qurylys jumystaryn oryndaý 8 paiyz ósken.
Odan bólek, kezdesýde Saǵyntaev Pýtindi prezident sailaýynda jeńiske jetýimen quttyqtaǵan.
