ەۋرازييالىق ەكونوميكالىق كوميسسييا (ەەك) القاسىنىڭ تٶراعاسى باقىتجان ساعىنتاەۆ رەسەي فەدەراتسيياسىنىڭ باسشىسى ۆلاديمير پۋتينمەن كەزدەستٸ. رەسمي مەلٸمەتتەر بويىنشا, كەزدەسۋدە ساعىنتاەۆ جاقىن ارادا ەۋرازييالىق ەكونوميكالىق وداق (ەاەو) ەلدەرٸ ۇلتتىق ۆاليۋتاداعى ەسەپتەۋلەرگە تولىعىمەن اۋىسا الادى دەگەن ٷمٸت بٸلدٸرگەن, - دەپ حابارلايدى Dalanews.kz.
باقىتجان ساعىنتاەۆ 2021 جىلعا دەيٸن مۇنداي ەسەپتەۋلەردٸڭ ٷلەسٸ 70 پايىزدان اسقانىن, 2022 جىلى 80 پايىزعا دەيٸن ٶسكەنٸن, ال بيىل 90 پايىزعا جەتكەنٸن اتاپ ٶتكەن. ساعىنتاەۆ مۇنداي دامۋ قارقىنى كەزٸندە جاقىن ارادا ەاەو ەلدەرٸ اراسىنداعى ۇلتتىق ۆاليۋتالاردا ەسەپ ايىرىسۋعا تولىق كٶشۋگە قول جەتكٸزٸلەتٸنٸنە سەنٸم بٸلدٸرگەن.
سونىمەن قاتار, ول ەاەو ەكونوميكالىق كٶرسەتكٸشتەرٸندەگٸ وڭ ديناميكانى تۋرالى ايتقان. اتاپ ايتقاندا, 2023 جىلى ەاەو-داعى بٶلشەك ساۋدا اينالىمى 6,6 پايىزعا ٶسكەن, نەگٸزگٸ كاپيتالعا ينۆەستيتسييالار 10 پايىزعا, ٶنەركەسٸپتٸك ٶندٸرٸس 4 پايىزعا, ال قۇرىلىس جۇمىستارىن ورىنداۋ 8 پايىز ٶسكەن.
ودان بٶلەك, كەزدەسۋدە ساعىنتاەۆ پۋتيندٸ پرەزيدەنت سايلاۋىندا جەڭٸسكە جەتۋٸمەن قۇتتىقتاعان.
