Naýryzbai aýdanynda «Qarǵaly» sý jinaý nysany men sý daiyndaý stantsiiasynyń qurylysy jalǵasýda. Jospar boiynsha negizgi jumystar jyl sońyna deiin aiaqtalýy tiis. Paidalanýǵa berilgennen keiin qýaty táýligine 15 myń tekshe metr sýdy quraidy. Qala ákimi Quramys sh/a qurylys jumysy aiaqtalǵannan keiingi qalpyna keltirilgen 10 shaqyrym joldyń sapasyn tekserdi.
Alataý aýdanyndaǵy Samǵaý sh/a jii óshetin elektr qýatyndaǵy aqaýlar joiyldy. Qala ákimi Baqytjan Saǵyntaev jaǵdaidy baqylaýda ustaýdy tapsyrdy. Turǵyndardyń ótinishi boiynsha 30 úige KSS ben káriz jelisin júrgizý jobasy ázirlenedi. Sondai-aq, balalar alańyn salý múmkindigi qaraldy.
Qarasý sh/a-nyń turǵyndary joldyń sapasyna narazy. Munda 26,6 shaqyrym sý qubyry men 22,6 shaqyrym káriz jelisiniń qurylysy aiaqtalýǵa jaqyn. Qala ákimi jol tósemin qalpyna keltirý jumysynyń sapasyn baqylaýdy tapsyrdy.
Sondai-aq, qala ákimi abattandyrylǵan qoǵamdyq keńistikti aralap kórdi. Naýryzbai aýdanynda, Qaraǵaily shaǵyn aýdanyndaǵy Tájiev kóshesinde «Biýdjetke qatysý» jobasy boiynsha fýtbol, balalarǵa arnalǵan oiyn men sport alańdary bar qoǵamdyq keńistik abattandyryldy. Alataý aýdanyndaǵy Uljan-1, 2 shaǵyn aýdandary arasynda jaiaý júrginshiler aimaǵy salyndy. Ondaǵan jyl qaraýsyz jatqan jer abattandyryldy. Qazir munda fýtbol alańy, ózen ústindegi kópir men balalar oiyn alańy salyndy.
