ناۋرىزباي اۋدانىندا «قارعالى» سۋ جيناۋ نىسانى مەن سۋ دايىنداۋ ستانتسيياسىنىڭ قۇرىلىسى جالعاسۋدا. جوسپار بويىنشا نەگٸزگٸ جۇمىستار جىل سوڭىنا دەيٸن اياقتالۋى تيٸس. پايدالانۋعا بەرٸلگەننەن كەيٸن قۋاتى تەۋلٸگٸنە 15 مىڭ تەكشە مەتر سۋدى قۇرايدى. قالا ەكٸمٸ قۇرامىس ش/ا قۇرىلىس جۇمىسى اياقتالعاننان كەيٸنگٸ قالپىنا كەلتٸرٸلگەن 10 شاقىرىم جولدىڭ ساپاسىن تەكسەردٸ.
الاتاۋ اۋدانىنداعى سامعاۋ ش/ا جيٸ ٶشەتٸن ەلەكتر قۋاتىنداعى اقاۋلار جويىلدى. قالا ەكٸمٸ باقىتجان ساعىنتاەۆ جاعدايدى باقىلاۋدا ۇستاۋدى تاپسىردى. تۇرعىنداردىڭ ٶتٸنٸشٸ بويىنشا 30 ٷيگە كسس بەن كەرٸز جەلٸسٸن جٷرگٸزۋ جوباسى ەزٸرلەنەدٸ. سونداي-اق, بالالار الاڭىن سالۋ مٷمكٸندٸگٸ قارالدى.
قاراسۋ ش/ا-نىڭ تۇرعىندارى جولدىڭ ساپاسىنا نارازى. مۇندا 26,6 شاقىرىم سۋ قۇبىرى مەن 22,6 شاقىرىم كەرٸز جەلٸسٸنٸڭ قۇرىلىسى اياقتالۋعا جاقىن. قالا ەكٸمٸ جول تٶسەمٸن قالپىنا كەلتٸرۋ جۇمىسىنىڭ ساپاسىن باقىلاۋدى تاپسىردى.
سونداي-اق, قالا ەكٸمٸ اباتتاندىرىلعان قوعامدىق كەڭٸستٸكتٸ ارالاپ كٶردٸ. ناۋرىزباي اۋدانىندا, قاراعايلى شاعىن اۋدانىنداعى تەجيەۆ كٶشەسٸندە «بيۋدجەتكە قاتىسۋ» جوباسى بويىنشا فۋتبول, بالالارعا ارنالعان ويىن مەن سپورت الاڭدارى بار قوعامدىق كەڭٸستٸك اباتتاندىرىلدى. الاتاۋ اۋدانىنداعى ۇلجان-1, 2 شاعىن اۋداندارى اراسىندا جاياۋ جٷرگٸنشٸلەر ايماعى سالىندى. ونداعان جىل قاراۋسىز جاتقان جەر اباتتاندىرىلدى. قازٸر مۇندا فۋتبول الاڭى, ٶزەن ٷستٸندەگٸ كٶپٸر مەن بالالار ويىن الاڭى سالىندى.
