Biyl Almatyda «Almaty mektepteri» bilim berý qyzmetkerleriniń kadrlyq áleýetin damytýdyń úsh jyldyq baǵdarlamasy bastaldy. Baǵdarlama qalanyń 150 mektebinde sapaly jańa bilim berý ortasyn qurýǵa baǵyttalǵan.
Baǵdarlama aiasynda 50 mekteptiń basqarý komandalaryn qaita daiarlaý, 3000-nan astam pedagogtyń biliktiligin arttyrý júrgiziledi. 1000-nan astam joǵary synyp oqýshylary At jáne kreativti indýstriia mamandyqtaryna oqytylady, qala mektepterine tsifrlyq simýliatorlar men resýrstarǵa qol jetimdilik berilgen. Osy qatarda Digital Ustaz Almaty sandyq quzyretter salasyndaǵy kásibi sheberlik baiqaýy da bar.
Baiqaý finalisterine sóilegen sózinde Almaty ákimi baiqaýdyń teleradio tájiribesiniń úzdik pedagogikalyq ádisteriniń alańyna ainalyp, ári qarai kásibi ósý úshin yntalandyrý bolatynyna senim bildirdi.
– Sizder odan ári jetile túsip, áriptesterińizge shabyt beretin tulǵalarǵa ainalasyzdar, sabaq ótý barysynda ózderińizdiń pedagogikalyq sheberlikterińizben bólisip, árbir oqýshynyń ózin-ózi tanýy úshin jańa yntalandyrýshy orta quratyn bolasyzdar degen úmittemin. Birinshi kezekte, Sizder óz isterińizge degen adaldyq pen súiispenshiliktiń arqasynda finalǵa óttińizder. Bolashaqta da osylaisha eńbek etýlerińizge tilektespin, – dedi Baqytjan Saǵyntaev.
Qala ákimi baiqaýdyń teń uiymdastyrýshylary – Nursultan Nazarbaevtyń Bilim Qory men EdCrunch Academy zamanaýi bilim berýdi damytý institýtyna, bas áripteske alǵysyn bildirdi.
Ekinshi oryndy «Bilim-Innovatsiia» litseiinen Erlan Nuǵman men Nurbek Serikuly bólisti, úshinshi oryndy №31 mektepten Erlan Kerimbai ielendi.
