Vedomstvo basshysynyń aıtýynsha, oramal taqqan oqýshylardy mektepke kirgizbeý týraly ózi tapsyrma bergen.
«Zań boıynsha dinı kıimmen mektepke barýǵa bolmaıdy. Biz ol jaqqa (Túrkistan oblysy, Maqtaral aýdany, Fırdoýsı aýylyna – red. eskertp.) arnaıy komısıa jiberdik. Oqýshylardyń ata-anasymen áńgime júrgizip, bir sheshimge kelemiz degen úmittemin. Ol jerde ýákiletti organdar, ákimdik ókilderi bar jáne biz barlyǵymyz biryńǵaı komısıa quryp, osy máseleni sheshýimiz kerek. Meniń tapsyrmam boıynsha oramal taqqan oqýshylar mektepke kirmeıdi. Mundaı jaǵdaı Aqtóbede de bolǵan», - dep qorytyndylady Saǵadıev.
Eske sala ketsek, Hamza Asadullah esimdi Facebook qoldanýshysy 1 qyrkúıek kúni Fırdoýsı aýylynda bolǵan oqıǵa túsirilgen vıdeony jelige júktedi. Kadrda oramal taǵyp, uzyn kóılek kıgen bir top qyz mektep basshylyǵynyń ruqsatynsyz oqý ǵımaratyna kirýge tyrysýda. Alaıda sol jerde turǵan quqyq qorǵaý qyzmetkerleri men mekeme basshylary olardy kirgizbeı qoıdy.
Jeli qoldanýshylary qaldyrǵan pikirlerge qarasaq, hıjab kıgendi qoldaıtyndar men kerisinshe mektep formasyn ustaný kerek degenderdiń sany ekige bólindi.
Derekkóz: baq.kz
https://www.facebook.com/baurzhan.otarbayev/videos/1426804040797640/
