ۆەدومستۆو باسشىسىنىڭ ايتۋىنشا، ورامال تاققان وقۋشىلاردى مەكتەپكە كىرگىزبەۋ تۋرالى ءوزى تاپسىرما بەرگەن.
«زاڭ بويىنشا ءدىني كيىممەن مەكتەپكە بارۋعا بولمايدى. ءبىز ول جاققا (تۇركىستان وبلىسى، ماقتارال اۋدانى، فيردوۋسي اۋىلىنا – رەد. ەسكەرتپ.) ارنايى كوميسسيا جىبەردىك. وقۋشىلاردىڭ اتا-اناسىمەن اڭگىمە جۇرگىزىپ، ءبىر شەشىمگە كەلەمىز دەگەن ۇمىتتەمىن. ول جەردە ۋاكىلەتتى ورگاندار، اكىمدىك وكىلدەرى بار جانە ءبىز بارلىعىمىز ءبىرىڭعاي كوميسسيا قۇرىپ، وسى ماسەلەنى شەشۋىمىز كەرەك. مەنىڭ تاپسىرمام بويىنشا ورامال تاققان وقۋشىلار مەكتەپكە كىرمەيدى. مۇنداي جاعداي اقتوبەدە دە بولعان»، - دەپ قورىتىندىلادى ساعادييەۆ.
ەسكە سالا كەتسەك، Hamza Asadullah ەسىمدى Facebook قولدانۋشىسى 1 قىركۇيەك كۇنى فيردوۋسي اۋىلىندا بولعان وقيعا تۇسىرىلگەن ۆيدەونى جەلىگە جۇكتەدى. كادردا ورامال تاعىپ، ۇزىن كويلەك كيگەن ءبىر توپ قىز مەكتەپ باسشىلىعىنىڭ رۇقساتىنسىز وقۋ عيماراتىنا كىرۋگە تىرىسۋدا. الايدا سول جەردە تۇرعان قۇقىق قورعاۋ قىزمەتكەرلەرى مەن مەكەمە باسشىلارى ولاردى كىرگىزبەي قويدى.
جەلى قولدانۋشىلارى قالدىرعان پىكىرلەرگە قاراساق، حيدجاب كيگەندى قولدايتىندار مەن كەرىسىنشە مەكتەپ فورماسىن ۇستانۋ كەرەك دەگەندەردىڭ سانى ەكىگە ءبولىندى.
دەرەككوز: baq.kz
https://www.facebook.com/baurzhan.otarbayev/videos/1426804040797640/
