«Safari Shardara» festivali Túrkistan oblysynyń týristik áleýetin arttyrady
Elbasynyń «Bolashaqqa baǵdar: rýhani jańǵyrý» baǵdarlamasy aiasynda 2018 jyldyń 26 qazan kúni Shardara qalasyndaǵy sýqoima jaǵalaýynda tuńǵysh ret halyqaralyq «Safari Shardara» atty festival ótedi.
Aitýly sharada qonaqtar Qyzylqum óńiriniń tabiǵatymen keńinen tanysyp, qum qoinaýy men teńiz jaǵalaýyndaǵy túrli oiyn-saýyqtar men sporttyq jarystardy tamashalaityn bolady.
Túrkistan oblysynyń týristik áleýetin arttyrý maqsatynda uiymdastyrylǵan festivalde qumdaǵy avtokólikter jarysy men kompozitsiialyq «Rock racing» shoýy ótedi. Sondai-aq, qonaqtar túieshiler jarysyn, búrkit pen qarshyǵaǵa qus ildirip, túlki saldyrǵan saiatshylardyń halyqaralyq saiysyn tamashalaidy. Budan ózge, motobaikerlerdiń motokross óneri, jelkendi qaiyq jarysy, akademiialyq esý túri, jaǵajai voleiboly men fýtbol jarystary, balyq aýlaý saiysy uiymdastyrylady.
Sonymen qatar, saiypqyrandar qazaqsha kúres, gir kóterý jarystary men bórenege órmelep shyǵý, qoshqar kóterý sekildi sport túrlerin baq synaityn bolady.
«Safari Shardara» festivalinde áigili óner juldyzdary men án-bi ansambalderi, tsirk ónerpazdary men akrobattary óner kórsetedi.
Túrkistan oblysy ákiminiń baspasóz qyzmeti
