ايتۋلى شارادا قوناقتار قىزىلقۇم ءوڭىرىنىڭ تابيعاتىمەن كەڭىنەن تانىسىپ، قۇم قويناۋى مەن تەڭىز جاعالاۋىنداعى ءتۇرلى ويىن-ساۋىقتار مەن سپورتتىق جارىستاردى تاماشالايتىن بولادى.
تۇركىستان وبلىسىنىڭ تۋريستىك الەۋەتىن ارتتىرۋ ماقساتىندا ۇيىمداستىرىلعان فەستيۆالدە قۇمداعى اۆتوكولىكتەر جارىسى مەن كومپوزيسيالىق «Rock racing» شوۋى وتەدى. سونداي-اق، قوناقتار تۇيەشىلەر جارىسىن، بۇركىت پەن قارشىعاعا قۇس ءىلدىرىپ، تۇلكى سالدىرعان ساياتشىلاردىڭ حالىقارالىق سايىسىن تاماشالايدى. بۇدان وزگە، موتوبايكەرلەردىڭ موتوكروسس ونەرى، جەلكەندى قايىق جارىسى، اكادەميالىق ەسۋ ءتۇرى، جاعاجاي ۆولەيبولى مەن فۋتبول جارىستارى، بالىق اۋلاۋ سايىسى ۇيىمداستىرىلادى.
سونىمەن قاتار، سايىپقىراندار قازاقشا كۇرەس، گير كوتەرۋ جارىستارى مەن بورەنەگە ورمەلەپ شىعۋ، قوشقار كوتەرۋ سەكىلدى سپورت تۇرلەرىن ب ا ق سىنايتىن بولادى.
«Safari Shardara» فەستيۆالىندە ايگىلى ونەر جۇلدىزدارى مەن ءان-بي انسامبالدەرى، سيرك ونەرپازدارى مەن اكروباتتارى ونەر كورسەتەدى.
تۇركىستان وبلىسى اكىمىنىڭ باسپا ءسوز قىزمەتى
