Ortalyq sailaý komissiiasy "Aq jol" demokratiialyq partiiasynyń usynýymen májilis depýtaty Asqar Sadyqovty mandatynan aiyrdy, dep habarlaidy Dalanews.kz.
"Aq jol" Qazaqstannyń demokratiialyq partiiasy" qoǵamdyq birlestigi Ulttyq keńesiniń 2024 jylǵy 1 shildedegi №1 qaýlycynyń qabyldanýyna bailanysty AsqarSadyqov parlament májilisiniń depýtaty ókilettigin joǵaltty dep tanylsyn" - delingen ortalyq sailaý komissiiasynyń qaýlysynda.
Buǵan qatysty "Aq jol" partiiasynyń tóraǵasy Azat Perýashev óziniń áleýmettik jelidegi paraqshasynda pikir bildirdi.
"Ortalyq sailaý komissiiasy "Aq jol" demokratiialyq partiiasynyń usynymy boiynsha májilis depýtaty Asqar Sadyqovty depýtattyq mandatynan aiyrdy. Bul sheshimge Sadyqovtyń depýtat mártebesine sai kelmeitin áreketterge barǵany negiz boldy", - deidi Azat Perýashev.
Onyń aitýynsha, atalmysh faktini partiialyq organdar óz betinshe anyqtaǵan. Bul másele "Aq jol" Qazaqstan demokratiialyq partiiasy plenýmynda qaralǵan soń Sadyqov partiiadan shyǵaryldy, soǵan bailanysty ol depýtattyq mandatynan aiyryldy.
