ورتالىق سايلاۋ كوميسسيياسى "اق جول" دەموكراتييالىق پارتيياسىنىڭ ۇسىنۋىمەن مەجٸلٸس دەپۋتاتى اسقار سادىقوۆتى مانداتىنان ايىردى, دەپ حابارلايدى Dalanews.kz.
"اق جول" قازاقستاننىڭ دەموكراتييالىق پارتيياسى" قوعامدىق بٸرلەستٸگٸ ۇلتتىق كەڭەسٸنٸڭ 2024 جىلعى 1 شٸلدەدەگٸ №1 قاۋلىcىنىڭ قابىلدانۋىنا بايلانىستى اسقارسادىقوۆ پارلامەنت مەجٸلٸسٸنٸڭ دەپۋتاتى ٶكٸلەتتٸگٸن جوعالتتى دەپ تانىلسىن" - دەلٸنگەن ورتالىق سايلاۋ كوميسسيياسىنىڭ قاۋلىسىندا.
بۇعان قاتىستى "اق جول" پارتيياسىنىڭ تٶراعاسى ازات پەرۋاشەۆ ٶزٸنٸڭ ەلەۋمەتتٸك جەلٸدەگٸ پاراقشاسىندا پٸكٸر بٸلدٸردٸ.
"ورتالىق سايلاۋ كوميسسيياسى "اق جول" دەموكراتييالىق پارتيياسىنىڭ ۇسىنىمى بويىنشا مەجٸلٸس دەپۋتاتى اسقار سادىقوۆتى دەپۋتاتتىق مانداتىنان ايىردى. بۇل شەشٸمگە سادىقوۆتىڭ دەپۋتات مەرتەبەسٸنە ساي كەلمەيتٸن ەرەكەتتەرگە بارعانى نەگٸز بولدى", - دەيدٸ ازات پەرۋاشەۆ.
ونىڭ ايتۋىنشا, اتالمىش فاكتٸنٸ پارتييالىق ورگاندار ٶز بەتٸنشە انىقتاعان. بۇل مەسەلە "اق جول" قازاقستان دەموكراتييالىق پارتيياسى پلەنۋمىندا قارالعان سوڭ سادىقوۆ پارتييادان شىعارىلدى, سوعان بايلانىستى ول دەپۋتاتتىق مانداتىنان ايىرىلدى.
