"Birinshiden, Dosym osyndai jazbany jazýy úshin bizben kezdesip alýy kerek. Sol kezde bizdiń qalai sailaýǵa qatysyp jatqanymyzdy bilip, kóp suraǵynyń jaýabyn bizdiń aýzymyzdan estitin edi. Áitpese, onyń jazbasy tek qaralaý negizinde ǵana jazylyp tur. Bizdiń "Uly dala qyrandary" — respýblikalyq qoǵamdyq birlestik. Bizdiń artymyzda eshqandai klandar nemese qarjylyq toptar joq. Al men eshbir partiianyń múshesi emespin. Kezekten tys prezidenttik sailaý týraly zań shyqqannan bastap sailaýǵa túsý týraly sheshim qabyldadyq. Sebebi memleket bizge múmkindik berdi. Sailaýǵa partiialarmen qatar qoǵamdyq birlestikter de qatysa alatyndyqtan, biz aqyldasa kele osyndai sheshimge keldik.
Qatysýshylar men delegattar meni kandidat retinde usynyp, sailaý dodasyna qatystyq. Sodan beri sailaý dodasynyń naq ortasynda Allanyń qalaýymen, halyqtyń qoldaýymen kele jatyrmyz. Bul neni kórsetedi?
Bul qazirde bizdiń elimizde, qoǵamymyzda demokratiiaǵa degen betburystyń baryn kórsetedi. Elde, halyqta tańdaý bar", - dedi Sádibek Túgel.
Keiin Sádibek Túgel qazaq tiliniń múshkil jaǵdaiy týraly sóz qozǵady.
"Ekinshiden, qazirgi tańdaǵy negizgi máselelerdi biri ári mańyzdysy – til máselesi. 30 jyl ótse de, til óziniń tuǵyryna jetpek túgili, kúnnen-kúnge tómendep bara jatyr. Óz elinde, óz jerinde úshinshi sorttaǵy tilge ainalyp otyr. Bul durys emes. Qazirgi tildiń jaǵdaiy ózek órter utylysta bolyp tur. Sol sebepti men ózimniń sailaýaldy baǵdarlamamdy óz ana tilimde, memleketimniń tilinde júrgizemin. Maqsatym– memlekettik tildiń mártebesin kóterý.
Ainalaiyn, Dosym arada 30 jyl ótti. Óziń nege memlekettik tildi qurmettemeisiń? Ne sebepti memlekettik tilde sóilep, memlekettik tilde jazyp, osyndai máselelerdi kótermeisiń?
Saiasattanýshy degen halyqtyń muń-muqtajyn aitady. Osyndai mańyzdy máselelerdi aitqan kezde eń aldymen ózińniń memlekettik tilińde sóileýiń kerek. Memlekettik tilde aityp, jazýyń kerek. Sonda bul ádil bolady" , -dedi Sádibek Túgel.
Sonymen qatar ol saiasattanýshyny kezdesip, aqyldasýǵa shaqyrdy. Qoǵamdyq birlestiktiń til máselesin qozǵap, dáriptep júrgenine 20 jyldan asqan. Al resmi tirkelgenine 8 jyl bolypty. Qoǵamdyq birlestiktiń negizgi maqsaty — atadan balaǵa miras bolǵan ulttyq qundylyqtardy ulyqtaý, uly dala mádenietin jańǵyrtyp, jastardyń igiligine jaratý.
"Saiasattanýshy retinde aitshy, qazirgi aqparattyń 85 paiyzy orys tilinde. Orys tili buǵan muqtaj emes. Ol – álemdik alty tildiń biri.
Al bizdiń til kúnnen kúnge quryp bara jatyr. Sonyń basy qasynda siz sekildi saiasattanýshylar turýy kerek edi. Osyǵan jaýap bershi. Nege biz osyndai kúige tústik? Sol sebepti sizdiń sailaýǵa bailanysty qaralap jazǵan jazbańyzdy durys emes dep esepteimin. Birinshiden, jazbańyz shyndyqqa, aqiqatqa sai emes. Al bizdiń pozitsiiamyz – durysty durys, burysty burys deý. Sailaý bolǵannan keiin kemshilik bolýy ábden múmkin. Biraq ol ýaqytsha ǵana. Eń bastysy, bizdiń ustanymymyzdy qazaq halqy qoldap otyr", - dep sózin túiindedi kandidat.
Derekkóz: Qamshy portaly
https://youtu.be/dif982u9B0I
