"Sábittiń erlikke para-par qadamyna kýá boldyq. Ol elordaǵa osy jyldyń mamyr aiynyń basynda Qyzylordadan kelgen. Sábitke osyndai sátte kórsetken erligi men batyldyǵy úshin alǵys aittym!
Óz tarapymyzdan Sábittiń otbasyna tiisti kómek kórsetemiz. Bilimi men tájiribesin eskere otyryp, Lokomotiv zaýytynyń («Lokomotiv qurastyrý zaýyty» AQ) direktorymen Sábitti jumysqa ornalastyrý týraly kelistim. Buryn ol osy sala boiynsha QTJ-da jumys istegen, mamandyǵy – vagon sharýashylyǵy. Bul salada tájiribesi bar", – dedi elorda ákimi.
Kólginov sonymen qatar Sábittiń otbasyn astanaǵa kóshirip ákelý týraly usynys jasaǵanyn habarlady.
"Sábit zaiybymen birge 4 bala (3 ul, bir qyz) ósirip otyr. Jubaiyn jumysqa turýyna, al balalaryn mektepke jáne balabaqshaǵa ornalastyrýǵa kómektesemiz. Osylaisha resmi túrde jumys istei otyryp, qyzmettik turǵyn úige úmitker bola alady, sondai-aq ózge de turǵyn úi baǵdarlamalaryna qatysa alady.
Demeýshiler esebinen otbasynyń nesiesin óteýine kómektesemiz, al jazǵy ýaqytta balalaryna Býrabaiǵa joldama beremiz. Qala turǵyndaryn saqtyq sharalaryn tolyqtai saqtaýǵa, balalaryn qaraýsyz jáne úi terezesin ashyq qaldyrmaýǵa shaqyramyn", – dep Kólginov.
[video width="480" height="480" m4v="https://dalanews.kz/wp-content/uploads/2022/05/Sp-1.m4v"][/video]
Aita keteiik, búgin tańerteń elordada qyzylordalyq azamat 8 qabatta terezeden salbyrap turǵan búldirshindi qutqaryp qaldy.
Bul oqiǵanyń videosy jelide keń taralyp, Sábit Shontaqbaevtyń batyl áreketi kópshilikke málim boldy.
Odan keiin TJ birinshi vitse-ministri general-leitenant Kúlshimbaev Ibragim Sábit Shontaqbaevty «Tótenshe jaǵdaidaǵy erligi úshin» tósbelgisimen marapattady.
Qalalyq tótenshe jaǵdailar departamentiniń habarlaýynsha, oqiǵa, búgin, 11 mamyrda bolǵan.
"Uly dala 27/1 mekenjaiyndaǵy úidiń terezesinen balanyń qulap keteiin dep turǵany týraly habarlama tústi. Oqiǵa ornyna jeti qutqarýshysy men eki tehnika attandy", - delingen habarlamada.
Alaida qutqarýshylar jetkenge deiin balany jetinshi qabatta turatyn kórshisi qutqaryp úlgergen.
2019 jyly týǵan qyz bala úide ata-anasymen bolǵan. Alaida sol sátte bala jalǵyz qalǵan, dep naqtylady departamenttegiler.
...
Sábit Shontaqbaev astanaǵa jumys izdep kelgen. Eki apta buryn "Qamal-2" turǵyn úi kesheninen páterdi jalǵa alǵan eken.
"Men ózim 8-shi kireberiste páter jaldap turamyn. Al búgingi jaǵdai 2-shi kireberiste bolǵan", - deidi Sábit.
Ol saǵat 10:00-nyń kezinde úiinen shyqqan. Sol kezde dalada birneshe adamdy kóredi. Barlyǵy joǵary jaqqa qarap, aiqailap tur eken.
"Qarasam, joǵary qabatta bala salbyrap tur. Bar oiym tek balany qutqarý kerek, boldy. Sodan birden jetinshi qabatqa kóterilip, terezeden shyqtym da, balany qaǵyp aldym. Balany sol jetinshi qabattaǵy kórshisine qaldyrdym da, jumysqa asyǵyp ketip qaldym", - dep atap ótti Shontaqbaev.
Onyń aitýynsha, qorqynysh pen úreige ýaqyt ta bolǵan joq.
"Shamamen, 10-15 minýttyi salbyrap turdy-aý deimin. Balanyń kórer jaryǵy bar eken, nesibesi ǵoi", - deidi batyr.
Sábit buryn áskerde kelisimshartpen jumys istegen. Temirjol salasynda da biraz jyl eńbek etipti. Qazir Nur-Sultanda jumys izdep júr.
"Men ózim motorist bolyp ta istegen adammyn. 2017-2019 jyldary Qyzylordada shekara áskerinde kelisimshartpen jumys istedim. Oǵan deiin vagon deposynda brigadir boldym. Al astanaǵa qurylysqa jumys izdep keldim. Bala-shaǵany asyraý kerek", - dedi Shontaqbaev Sputnik Qazaqstan tilshisine bergen suhbatynda.
Sábittiń tórt balasy bar. Tórteýi de Qyzylordada qaldy. Otbasy páter jaldap turady. Al otaǵasy astanaǵa aqsha tabýǵa kelgen.
"Shamamen, 15 kúndei boldy kelgenime. Qazir qurylysta qara jumys isteimin. Turaqty jumysym joq", - degen edi Sábit.
