"ءسابيتتىڭ ەرلىككە پارا-پار قادامىنا كۋا بولدىق. ول ەلورداعا وسى جىلدىڭ مامىر ايىنىڭ باسىندا قىزىلوردادان كەلگەن. سابيتكە وسىنداي ساتتە كورسەتكەن ەرلىگى مەن باتىلدىعى ءۇشىن العىس ايتتىم!
ءوز تاراپىمىزدان ءسابيتتىڭ وتباسىنا ءتيىستى كومەك كورسەتەمىز. ءبىلىمى مەن تاجىريبەسىن ەسكەرە وتىرىپ، لوكوموتيۆ زاۋىتىنىڭ («لوكوموتيۆ قۇراستىرۋ زاۋىتى» اق) ديرەكتورىمەن ءسابيتتى جۇمىسقا ورنالاستىرۋ تۋرالى كەلىستىم. بۇرىن ول وسى سالا بويىنشا قتج-دا جۇمىس ىستەگەن، ماماندىعى – ۆاگون شارۋاشىلىعى. بۇل سالادا تاجىريبەسى بار"، – دەدى ەلوردا اكىمى.
كولگىنوۆ سونىمەن قاتار ءسابيتتىڭ وتباسىن استاناعا كوشىرىپ اكەلۋ تۋرالى ۇسىنىس جاساعانىن حابارلادى.
"ءسابيت زايىبىمەن بىرگە 4 بالا (3 ۇل، ءبىر قىز) ءوسىرىپ وتىر. جۇبايىن جۇمىسقا تۇرۋىنا، ال بالالارىن مەكتەپكە جانە بالاباقشاعا ورنالاستىرۋعا كومەكتەسەمىز. وسىلايشا رەسمي تۇردە جۇمىس ىستەي وتىرىپ، قىزمەتتىك تۇرعىن ۇيگە ۇمىتكەر بولا الادى، سونداي-اق وزگە دە تۇرعىن ءۇي باعدارلامالارىنا قاتىسا الادى.
دەمەۋشىلەر ەسەبىنەن وتباسىنىڭ نەسيەسىن وتەۋىنە كومەكتەسەمىز، ال جازعى ۋاقىتتا بالالارىنا بۋرابايعا جولداما بەرەمىز. قالا تۇرعىندارىن ساقتىق شارالارىن تولىقتاي ساقتاۋعا، بالالارىن قاراۋسىز جانە ءۇي تەرەزەسىن اشىق قالدىرماۋعا شاقىرامىن"، – دەپ كولگىنوۆ.
[video width="480" height="480" m4v="https://dalanews.kz/wp-content/uploads/2022/05/Sp-1.m4v"][/video]
ايتا كەتەيىك، بۇگىن تاڭەرتەڭ ەلوردادا قىزىلوردالىق ازامات 8 قاباتتا تەرەزەدەن سالبىراپ تۇرعان ءبۇلدىرشىندى قۇتقارىپ قالدى.
بۇل وقيعانىڭ ۆيدەوسى جەلىدە كەڭ تارالىپ، ءسابيت شونتاقبايەۆتىڭ باتىل ارەكەتى كوپشىلىككە ءمالىم بولدى.
ودان كەيىن تج ءبىرىنشى ۆيسە-مينيسترى گەنەرال-لەيتەنانت كۇلشىمبايەۆ يبراگيم ءسابيت شونتاقبايەۆتى «توتەنشە جاعدايداعى ەرلىگى ءۇشىن» توسبەلگىسىمەن ماراپاتتادى.
قالالىق توتەنشە جاعدايلار دەپارتامەنتىنىڭ حابارلاۋىنشا، وقيعا، بۇگىن، 11 مامىردا بولعان.
"ۇلى دالا 27/1 مەكەنجايىنداعى ءۇيدىڭ تەرەزەسىنەن بالانىڭ قۇلاپ كەتەيىن دەپ تۇرعانى تۋرالى حابارلاما ءتۇستى. وقيعا ورنىنا جەتى قۇتقارۋشىسى مەن ەكى تەحنيكا اتتاندى"، - دەلىنگەن حابارلامادا.
الايدا قۇتقارۋشىلار جەتكەنگە دەيىن بالانى جەتىنشى قاباتتا تۇراتىن كورشىسى قۇتقارىپ ۇلگەرگەن.
2019 جىلى تۋعان قىز بالا ۇيدە اتا-اناسىمەن بولعان. الايدا سول ساتتە بالا جالعىز قالعان، دەپ ناقتىلادى دەپارتامەنتتەگىلەر.
...
ءسابيت شونتاقبايەۆ استاناعا جۇمىس ىزدەپ كەلگەن. ەكى اپتا بۇرىن "قامال-2" تۇرعىن ءۇي كەشەنىنەن پاتەردى جالعا العان ەكەن.
"مەن ءوزىم 8ء-شى كىرەبەرىستە پاتەر جالداپ تۇرامىن. ال بۇگىنگى جاعداي 2ء-شى كىرەبەرىستە بولعان"، - دەيدى ءسابيت.
ول ساعات 10:00-نىڭ كەزىندە ۇيىنەن شىققان. سول كەزدە دالادا بىرنەشە ادامدى كورەدى. بارلىعى جوعارى جاققا قاراپ، ايقايلاپ تۇر ەكەن.
"قاراسام، جوعارى قاباتتا بالا سالبىراپ تۇر. بار ويىم تەك بالانى قۇتقارۋ كەرەك، بولدى. سودان بىردەن جەتىنشى قاباتقا كوتەرىلىپ، تەرەزەدەن شىقتىم دا، بالانى قاعىپ الدىم. بالانى سول جەتىنشى قاباتتاعى كورشىسىنە قالدىردىم دا، جۇمىسقا اسىعىپ كەتىپ قالدىم"، - دەپ اتاپ ءوتتى شونتاقبايەۆ.
ونىڭ ايتۋىنشا، قورقىنىش پەن ۇرەيگە ۋاقىت تا بولعان جوق.
"شامامەن، 10-15 مينۋتتىي سالبىراپ تۇردى-اۋ دەيمىن. بالانىڭ كورەر جارىعى بار ەكەن، نەسىبەسى عوي"، - دەيدى باتىر.
ءسابيت بۇرىن اسكەردە كەلىسىمشارتپەن جۇمىس ىستەگەن. تەمىرجول سالاسىندا دا ءبىراز جىل ەڭبەك ەتىپتى. ءقازىر نۇر-سۇلتاندا جۇمىس ىزدەپ ءجۇر.
"مەن ءوزىم موتوريست بولىپ تا ىستەگەن اداممىن. 2017-2019 جىلدارى قىزىلوردادا شەكارا اسكەرىندە كەلىسىمشارتپەن جۇمىس ىستەدىم. وعان دەيىن ۆاگون دەپوسىندا بريگادير بولدىم. ال استاناعا قۇرىلىسقا جۇمىس ىزدەپ كەلدىم. بالا-شاعانى اسىراۋ كەرەك"، - دەدى شونتاقبايەۆ Sputnik قازاقستان تىلشىسىنە بەرگەن سۇحباتىندا.
ءسابيتتىڭ ءتورت بالاسى بار. تورتەۋى دە قىزىلوردادا قالدى. وتباسى پاتەر جالداپ تۇرادى. ال وتاعاسى استاناعا اقشا تابۋعا كەلگەن.
"شامامەن، 15 كۇندەي بولدى كەلگەنىمە. ءقازىر قۇرىلىستا قارا جۇمىس ىستەيمىن. تۇراقتى جۇمىسىم جوق"، - دەگەن ەدى ءسابيت.
