قازاقستان حالىق كەڭەسٸ قوعامدىق كەلٸسٸم جەنە جالپىۇلتتىق بٸرلٸك كوميتەتٸنٸڭ العاشقى وتىرىسىندا تٶرت سالالىق كوميسسييانىڭ جەتەكشٸلەرٸ بەكٸتٸلٸپ, 2026–2027 جىلدارعا ارنالعان جۇمىس جوسپارىنىڭ جوباسى قارالدى, دەپ حابارلايدى dalanews.kz.
كوميتەت وتىرىسىن ونىڭ تٶراعاسى مارات ەزٸلحانوۆ جٷرگٸزدٸ. جيىنعا قازاقستان حالىق كەڭەسٸ تٶراعاسىنىڭ ورىنباسارى – حاتشىلىق باسشىسى قاناتبەك جايسانباەۆ قاتىستى.
وتىرىس بارىسىندا حالىق كەڭەسٸ مٷشەلەرٸن سالالىق كوميسسييالارعا بٶلۋ مەسەلەسٸ قارالدى. كوميتەت تٶراعاسى بۇل قۇرىلىمداردىڭ قوعامدىق جەنە ساراپشىلىق ەلەۋەتتٸ بٸرٸكتٸرٸپ, ەل الدىندا تۇرعان ٶزەكتٸ مەسەلەلەردٸ تالقىلاۋعا مٷمكٸندٸك بەرەتٸنٸن اتاپ ٶتتٸ.
بەكٸتٸلگەن شەشٸمگە سەيكەس, مەدەنيەت پەن ازاماتتىق بٸرەگەيلٸكتٸ دامىتۋ مەسەلەلەرٸ جٶنٸندەگٸ سالالىق كوميسسييانى راۋان كەنجەحانۇلى باسقاردى.
جالپىۇلتتىق بٸرلٸك مەسەلەلەرٸ جٶنٸندەگٸ سالالىق كوميسسييانىڭ جەتەكشٸسٸ بولىپ نارينە ميكاەليان, سپورت جەنە ەسكەري-پاتريوتتىق تەربيە مەسەلەلەرٸ جٶنٸندەگٸ سالالىق كوميسسييانىڭ جەتەكشٸسٸ بولىپ يسلام بايرامۋكوۆ تاعايىندالدى.
ال قۇقىقتىق مەدەنيەت جەنە مەدياتسييا مەسەلەلەرٸ جٶنٸندەگٸ سالالىق كوميسسيياعا مەدي مىرزاعاراەۆ جەتەكشٸلٸك ەتەتٸن بولدى.
وتىرىستا كوميتەتتٸڭ مەملەكەتتٸك ورگاندارمەن, ازاماتتىق قوعام ينستيتۋتتارىمەن جەنە كەڭەس حاتشىلىعىمەن ٶزارا ٸس-قيمىل باعىتتارى مەن تەتٸكتەرٸ دە تالقىلاندى. نەگٸزگٸ نازار قوعامدىق ۇسىنىستاردى سالالىق كوميسسييالار مەن جۇمىس توپتارىندا ساراپتامادان ٶتكٸزۋگە اۋدارىلدى. بۇل جۇمىسقا تيٸستٸ سالا ماماندارىن تارتىپ, ۇسىنىستاردىڭ ساپاسى مەن نەگٸزدٸلٸگٸن ارتتىرۋ كٶزدەلٸپ وتىر.
سونىمەن قاتار كوميتەتتٸڭ 2026–2027 جىلدارعا ارنالعان جۇمىس جوسپارىنىڭ جوباسى قارالدى. قۇجاتتا ساراپتامالىق كەزدەسۋلەر, كەڭ اۋقىمدى قوعامدىق تالقىلاۋلار جەنە كەڭەيتٸلگەن وتىرىستار ٶتكٸزۋ قاراستىرىلعان.
وتىرىس بارىسىندا قازاق تٸلٸن دامىتۋ جەنە جالپىۇلتتىق بٸرلٸكتٸ نىعايتۋ مەسەلەلەرٸ دە كٶتەرٸلدٸ. مەملەكەت باسشىسى قاسىم-جومارت توقاەۆتىڭ قازاق تٸلٸن دامىتۋ ارقىلى جالپىۇلتتىق بٸرلٸكتٸ نىعايتىپ, مەملەكەتتٸلٸكتٸ كٷشەيتۋ جٶنٸندەگٸ تاپسىرمالارىن ٸسكە اسىرۋ اياسىندا راۋان كەنجەحانۇلى ٶز ۇسىنىسىن تانىستىردى.
ول قازاق ەدەبيەتٸمەن قاتار ەلەم ەدەبيەتٸنٸڭ ٷزدٸك تۋىندىلارىن, سونداي-اق قازاقستاندا تۇراتىن ەتنوستاردىڭ ەدەبي جەنە مەدەني مۇراسىن قازاق تٸلٸنە اۋدارىپ, كەڭٸنەن ناسيحاتتاۋ قاجەت ەكەنٸن ايتتى.
«قازاق ەدەبيەتٸمەن قاتار, ەلەم ەدەبيەتٸنٸڭ ٷزدٸك تۋىندىلارىن, سونىڭ ٸشٸندە قازاقستاندا تۇراتىن ٶزگە ەتنوستاردىڭ ەدەبي جەنە مەدەني مۇراسىن قازاق تٸلٸنە اۋدارىپ, كەڭٸنەن ناسيحاتتاۋعا جاعداي جاساۋىمىز قاجەت», – دەدٸ راۋان كەنجەحانۇلى.
ونىڭ پٸكٸرٸنشە, مۇنداي جۇمىستار وقىرماننىڭ دٷنيەتانىمىن كەڭەيتٸپ, مەملەكەتتٸك تٸل ارقىلى قازاقستانداعى تٷرلٸ مەدەني مۇرانى تانۋعا مٷمكٸندٸك بەرەدٸ.
قازاق تٸلٸن وقىتۋ مەسەلەسٸن ولگا سپيرينا دا كٶتەردٸ. ول قازاق تٸلٸن انا تٸلٸ ەمەس, ەكٸنشٸ تٸل رەتٸندە وقىتۋ كەزٸندە كەزدەسەتٸن كەدەرگٸلەردٸ اتاپ ٶتتٸ. ونىڭ ايتۋىنشا, قازٸرگٸ مەكتەپ باعدارلامالارى وقۋشىلاردىڭ قازاق تٸلٸندە ەركٸن سٶيلەۋ داعدىسىن قالىپتاستىرۋعا تولىق مٷمكٸندٸك بەرمەيدٸ. وسىعان بايلانىستى ول ەدٸسكەرلەر مەن پەداگوگتەردەن قۇرالعان جۇمىس توبىن قۇرىپ, قازاق تٸلٸن وقىتۋ ەدٸستەمەسٸن قايتا قاراۋدى, بٸلٸم دەڭگەيٸن باعالاۋدىڭ ناقتى كريتەرييلەرٸن ەنگٸزۋدٸ جەنە مۇعالٸمدەرگە ەدٸستەمەلٸك قولداۋ كٶرسەتۋدٸ ۇسىندى.
مەدەنيەت سالاسىن جاڭعىرتۋ مەسەلەسٸن يرينا سولوۆەۆا كٶتەردٸ. ول زاماناۋي تەحنولوگييالاردى پايدالانۋ جەنە تٸكەلەي قارىم-قاتىناس فورماتىن دامىتۋ ارقىلى مۋزەيلەردٸ جاستار ٷشٸن تارتىمدى ورىنعا اينالدىرۋدى ۇسىندى. سونداي-اق ول مەدەنيەت سالاسىن دامىتۋدا مەتسەناتتىقتى كٷشەيتٸپ, بيزنەس ٶكٸلدەرٸمەن ەلەۋمەتتٸك ەرٸپتەستٸكتٸ نىعايتۋدىڭ ماڭىزىن اتاپ ٶتتٸ. ونىڭ پٸكٸرٸنشە, كەسٸپكەرلەردٸڭ مەدەنيەتكە قولداۋ كٶرسەتۋٸ ادام كاپيتالىن دامىتۋعا ىقپال ەتەتٸن باعىتتاردىڭ بٸرٸنە اينالۋى تيٸس.
كوميتەت وتىرىسىندا ايتىلعان ۇسىنىستار الداعى ۋاقىتتا سالالىق كوميسسييالاردا ساراپتامادان ٶتەدٸ. جيناقتالعان باستامالار قازاقستان حالىق كەڭەسٸ بٸرٸنشٸ سەسسيياسىنىڭ مٸندەتتەرٸن ٸسكە اسىرۋعا باعىتتالعان ناقتى ۇسىنىستاردى ەزٸرلەۋگە نەگٸز بولادى.
