Qazaqstandyq balýan Rizabek Aitmuqan álem chempionatynda altyn medal jeńip aldy, - dep habarlaidy Dalanews.kz.
Albaniianyń Tirana qalasynda erkin kúresten 23 jasqa deiingiler arasynda Álem chempionaty ótti.
Otandasymyz 97 keli salmaqta óner kórsetip, týrnirde top jardy.
Erkin kúresten 97 kelige deiingi salmaqta baq synaǵan otandasymyz finalǵa deiin 3 balýandy jeńip shyqty. Alǵashqy beldesýinde Kanada eliniń balýanyn 11:0 esebimen ýaqytynan buryn jeńip shyqty. Al shirek finalda Belarýs sportshysyn da 10:0 esebimen jeńdi. Al finalǵa shyǵar kezde reseilik Shamil Gadjialievti 7:4 esebimen jarys jolynan shyǵardy.
Finaldyq beldesýde Rizabek irandyq Mahdi Marofadan basym tústi. Finaldyq beldesý Qazaqstandaǵy ýaqytpen saǵat keshki 20:00-de bastaldy.
Rizabek Aitmuqan biyl 20 jasqa deiin jastar arasynda da álem chempiony atandy. Al ótken jyly eresekter arasynda top jardy.
