Qazaqstan men Italiia prezidentteri keńeitilgen quramda kelissóz júrgizdi, dep habarlaidy Dalanews.kz.
Kelissóz barysynda mádeni-gýmanitarlyq bailanystardy odan ári nyǵaitý isine mán berilgen. Qasym-Jomart Toqaev búgin elorda kósheleriniń birine Italiianyń uly saiahatshysy Marko Polonyń aty beriletinin málimdedi.
"Kelesi jyly Italiiada "Kóshpendiler altyny" kórmesi ótkizilmek. Sondai-aq, Neapoldegi kóne San Karlo teatrynda "Abai" operasyn qoiý josparlanǵan. Biyl Rim qalasynda qazaqtyń bas aqyny Abai Qunanbaiulynyń músini ornatylady. Osy sátti paidalana otyryp, igi bastamaǵa qoldaý bildirgeni úshin Italiia halqyna shynaiy rizashylyǵymdy jetkizgim keledi. Biz muny qazaqtyń mádeni murasyna kórsetilgen qurmet pen shynaiy dostyq peiildiń kórinisi dep qabyldaimyz. Osyndai taǵylymdy is-sharalar halyqtarymyzdy jaqyndata túsetini sózsiz", – dedi Prezident.
