Resei propagandasy "til patrýliniń" múshesi dep ataǵan Quzaiyrov Ridderdegi jar degendegi jalǵyz qazaq mektebiniń jabylmaýyn talap etken edi. Osy aryz-shaǵymnyń negizinde ákimdikke barǵan belsendini resmi tilde sóileitin qyzmetkerler qarsy alǵan.
Memlekettik tildiń tabanǵa taptalyp jatqanyna qynjylǵan Quzaiyrov bolǵan jaidy videoǵa túsirip, jurtshylyqqa jariia etken bolatyn.
Ridderdi memtildiń múshkil jaǵdaiy qazaqtildi ortada qyzý talqylanyp, qoǵamdyq rezonans týdyrdy. Keiinnen elimizdegi reseishil kúshterdiń qysymymen Quzaiyrovtyń ústinen qylmystyq is qozǵalǵany málim boldy.
Osyǵai bailanysty youtube arnasynda úndeý jariialaǵan til janashyry daýdyń basy memlekettik qurylymdarda qazaq tiliniń kenje qalýynan týyndaǵanyn aitypty.
"Qazaq tili qashan da ósip, órkendeýi kerek dep esepteimin. Ony memlekettik qyzmetkerler bilýi mindetti. Ákimdikke "Shańyraq" mektebiniń máselesi boiynsha bardyq. Memlekettik organdar aldynda osy máseleni kóterip, memlekettik tilde sóiledik. Sol kezde ákimdik qyzmetkerlerdiń kópshiligi qazaq tilin múlde meńgermegeni anyqtaldy. Soǵan ashý-yzamyz keldi», - deidi Quzaiyrov.
Daýly videoda bas jarylyp, kóz shyǵardai óreskel áreketke barmaǵan Quzaiyrov áitse de, osy áreketi úshin ákimdik qyzmetkerlerinen keshirim surapty.
Belsendi ákimdikke kirýdiń talaptaryn eskermegenin, emotsiiaǵa erik bergenin aitady.
"Memlekettik organdar qyzmetkerlerine qolaisyzdyq týǵyzyp, olardyń jumysyna kedergi keltirgenim úshin keshirim suraimyn. Olar (ákimdik qyzmetkerleri) tarapynan dál sondai adekvatty jáne dál osyndai reaktsiia bolar dep úmit etemin. Al jazylýshylardan alańdamaýdy jáne adamdardyń ultyna nazar aýdarmaýdy suraimyn, sebebi biz bárimiz qai ult bolsaq ta - qazaqstandyqpyz, - degen eken sóziniń sońynda Quzaiyrov.
DALA INSIDE telegram arnasynyń paiymdaýynsha til janasharyn keshirim suraýǵa májbúr etken bolýy múmkin. Buǵan deiin orystildi aqparat quraldary Ridder ákimdiginiń tórt qyzmetkeri Quzaiyrovtyń ústinen aryz jazǵanyn habarlaǵan. Muny Ishki ister ministriniń orynbasary Marat Qojaev rastaǵan bolatyn.
Al májilismen Ermurat Bapi Dias Quzaiyrovty qoldaý jóninde búgin bir top depýtat arnaiy málimdeme qabyldaǵanyn, mátini búgin jariialanatynyn aitty.
