Álemniń birinshi raketkasy, qazaqstandyq tennisshi Elena Rybakina Astana men Almaty qalalaryna kelip, jas sportshylarǵa sheberlik sabaqtaryn ótkizedi, dep habarlaidy dalanews.kz QTF-ǵa siltep.
Sonymen qatar, sportshy Tsintsinnatide ótken WTA 1000 sanatyndaǵy týrnirde alǵan Ahill sińiriniń jaraqatyna bailanysty meditsinalyq tekseristen ótedi. Dál osy jaraqat saldarynan sportshy týrnirdiń shirek finaldyq kezdesýine qatysýdan bas tartýǵa májbúr bolǵan edi.
"Aiaǵyndaǵy jaraqat US Open-2026 týrniri kezinde de qazaqstandyq tennisshini mazalaýyn jalǵastyrdy. Alaida Elena jaraqatyna qaramastan, týrnirdiń sheshýshi matchtaryn aýyrsynýdy basatyn dáriler kómegimen ótkizip, chempiondyq titýldy jeńip aldy", - dedi QTF ókilderi.
Jattyqtyrýshylar shtabynyń málimetinshe, Elena Rybakinanyń emdelýi men tolyq qalpyna kelýine keminde eki apta qajet. Osyǵan bailanysty sportshy Qytaida ótetin Billi Djin King kýbogynyń finaldyq kezeńine qatysa almaidy. Aldaǵy ýaqytta Elenanyń basty maqsaty - densaýlyǵyn qalpyna keltirip, tolyqqandy jattyǵý protsesine oralý.
