«Rýhani jańǵyrýǵa» arnalǵan kórmede Ońtústiktiń 500-ge jýyq jumystary qoiyldy
«Rýhani jańǵyrýǵa» arnalǵan kórmede Ońtústiktiń 500-ge jýyq jumystary qoiyldy
Elimizdiń bas qalasy Astanada Elbasynyń «Bolashaqqa baǵdar: rýhani jańǵyrý» baǵdarlamalyq maqalasy men Astana qalasynyń 20 jyldyǵyna arnalǵan Ońtústik Qazaqstan oblysynyń qolóner jáne qylqalam sheberleriniń keshendi kórmesi ótti.
«Rýhani jańǵyrý» baǵdarlamasynyń óńirde júzege asyrylǵan jumystarynyń bir jyldyq qorytyndy kórmesi elordadaǵy «Astana» kontsert zalynyń foiesinde uiymdastyryldy. Mundaǵy kórmege 500-ge jýyq jumystar qoiylyp, Astana jurtshylyǵyna tanystyryldy.
Kórmeni uiymdastyrýdyń basty maqsaty qundy jádigerlerden jasaqtalǵan kórme arqyly Ońtústiktiń tarihi shejiresi men qolónershiler, fotosýretshiler, músinshiler, sýretshilerdiń qylqalamynan týyndaǵan óner shyǵarmalary, ádebi shyǵarmalardy nasihattaý.
Keshendi kórmede kelýshiler nazaryna Ońtústik Qazaqstan oblysynyń qasietti, kieli jerler tizimine engen tarihi-mádeni oryndary, mádeni is-sharalarda túsirilgen kórkem, animatsiialyq, derekti filmder týraly video jáne sýretter, belgili qylqalam sheberleriniń shyǵarmalary, qolóner sheberleriniń jasaǵan buiymdary, oblystyń kórkem jerleri beinelengen fotosýretter, sondai-aq, aqyn-jazýshylardyń kitaptary men ulttyq kiimder, Astananyń kórikti oryndary beinelengen kilemder, «Qazaqstandaǵy 100 jańa esim» jobasyna engen azamattar týraly málimetter ornalastyrylǵan.
Astanaǵa tartý retinde jasalǵan kórmeniń ereksheligi, kórme -11 ekspozitsiialyq bólikten quralǵan. Atap aitqanda «Ulttyq kiimder» kórmesi – Beiisbekovter otbasy men Esimbekova Gúlnaziianyń ulttyq sándik kiimderi men oblystyq tarihi-ólketaný mýzeiiniń qoryndaǵy ulttyq kiimderi. «Ońtústik ǵajaiyptary» - óńirdiń ásem tabiǵat kórinisteri men turmys-tirshiligin, kórikti jerlerin sýretteitin, sondai-aq, TURKSOY-ǵa múshe fotosýretshiler men oblysymyzǵa belgili fotosýretshilerdiń Qazyǵurt, Túrkistan, Kentaý, Otyrar, Qarataý, Saryaǵash, Jetisai, Sozaq, Báidibek, Túlkibas, Tólebi, Sairam aýdandary men qalalarynda túsirgen fotosýretteri. «Ońtústiktiń kieli oryndary» - Elbasynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda jasalǵan «Qazaqstannyń kieli jerleriniń geografiiasy» jobasy boiynsha qasietti, kieli jerlerdiń tizimine ońtústikten engizilgen tarihi-mádeni nysandardyń fotosýretteri qoiylady. Iaǵni, keshendi karta, respýblikalyq tizimge engizilgen jáne jergilikti tizimge engizilgen qasietti, kieli jerler.
Sonymen birge «Sýretshiler, qolóner sheberleriniń týyndylary» - oblystyq Beineleý óneri mýzeiiniń baǵdarlama aiasynda jinaǵan qundy jádigerlerimen sýretshilerdiń shyǵarmashylyq jumystary, qolónershilerdiń kórkem óner buiymdary jáne «Ońtústiktiń aqyn-jazýshylarynyń kitap kórmesi» – Ońtústikten shyqqan elimizge belgili aqyn-jazýshylardyń «Rýhani jańǵyrý» baǵdarlamasy aiasynda shyqqan kitaptary men oblystyń tabiǵaty, ólke tarihyna arnalǵan kitaptary men «Qazaqstandaǵy 100 jańa esim jobasy» – «Qazaqstandaǵy 100 jańa esim» jobasyna Ońtústik Qazaqstan oblysynan engizilgen azamattardyń fotosýretteri men ómirbaiandary.
Sondai-aq, «Mádeni is-sharalar kórmesi» - «Rýhani jańǵyrý» baǵdarlamasy aiasynda oblysta jyl saiyn ótkiziletin OQO ákiminiń 12 is-sharasynyń oryndalǵan 5 is-sharasynan foto sýretter jáne «Ońtústikte túsirilgen filmderdiń kórmesi» – «Rýhani jańǵyrý» baǵdarlamasy aiasynda oblysta túsirilgen kórkem, animatsiialyq, derekti filmder.
Budan bólek, «Elorda – Astana qalasynyń 20 jyldyǵy» - elordanyń 20 jyldyǵyna arnap toqylǵan, qalanyń kórikti jerleri beinelengen kilemdermen «Týǵanjer» baǵdarlamasy - sheńberinde oblysqa kásipkerlik jaǵynan qoldaý kórsetip júrgen azamattarǵa arnalǵan kórme bolsa, sońǵysy «Baǵdarlama aiasynda júzege asyrylatyn jobalardyń kórmesi» - Túrkistan, Otyrar, Ordabasy, Qazyǵurt, Shymkent qalalarynda salynýy josparlanǵan, sáýlet jáne qala qurylysy basqarmasynyń sáýletshileri oryndaǵan jobalarmen maketter.
