ەلىمىزدىڭ باس قالاسى استانادا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن استانا قالاسىنىڭ 20 جىلدىعىنا ارنالعان وڭتۇستىك قازاقستان وبلىسىنىڭ قولونەر جانە قىلقالام شەبەرلەرىنىڭ كەشەندى كورمەسى ءوتتى.
«رۋحاني جاڭعىرۋ» باعدارلاماسىنىڭ وڭىردە جۇزەگە اسىرىلعان جۇمىستارىنىڭ ءبىر جىلدىق قورىتىندى كورمەسى ەلورداداعى «استانا» كونسەرت زالىنىڭ فويەسىندە ۇيىمداستىرىلدى. مۇنداعى كورمەگە 500-گە جۋىق جۇمىستار قويىلىپ، استانا جۇرتشىلىعىنا تانىستىرىلدى.
كورمەنى ۇيىمداستىرۋدىڭ باستى ماقساتى قۇندى جادىگەرلەردەن جاساقتالعان كورمە ارقىلى وڭتۇستىكتىڭ تاريحي شەجىرەسى مەن قولونەرشىلەر، فوتوسۋرەتشىلەر، مۇسىنشىلەر، سۋرەتشىلەردىڭ قىلقالامىنان تۋىنداعان ونەر شىعارمالارى، ادەبي شىعارمالاردى ناسيحاتتاۋ.
كەشەندى كورمەدە كەلۋشىلەر نازارىنا وڭتۇستىك قازاقستان وبلىسىنىڭ قاسيەتتى، كيەلى جەرلەر تىزىمىنە ەنگەن تاريحي-مادەني ورىندارى، مادەني ءىس-شارالاردا تۇسىرىلگەن كوركەم، انيماسيالىق، دەرەكتى فيلمدەر تۋرالى ۆيدەو جانە سۋرەتتەر، بەلگىلى قىلقالام شەبەرلەرىنىڭ شىعارمالارى، قولونەر شەبەرلەرىنىڭ جاساعان بۇيىمدارى، وبلىستىڭ كوركەم جەرلەرى بەينەلەنگەن فوتوسۋرەتتەر، سونداي-اق، اقىن-جازۋشىلاردىڭ كىتاپتارى مەن ۇلتتىق كيىمدەر، استانانىڭ كورىكتى ورىندارى بەينەلەنگەن كىلەمدەر، «قازاقستانداعى 100 جاڭا ەسىم» جوباسىنا ەنگەن ازاماتتار تۋرالى مالىمەتتەر ورنالاستىرىلعان.
استاناعا تارتۋ رەتىندە جاسالعان كورمەنىڭ ەرەكشەلىگى، كورمە -11 ەكسپوزيسيالىق بولىكتەن قۇرالعان. اتاپ ايتقاندا «ۇلتتىق كيىمدەر» كورمەسى – بەيىسبەكوۆتەر وتباسى مەن ەسىمبەكوۆا گۇلنازيانىڭ ۇلتتىق ساندىك كيىمدەرى مەن وبلىستىق تاريحي-ولكەتانۋ مۋزەيىنىڭ قورىنداعى ۇلتتىق كيىمدەرى. «وڭتۇستىك عاجايىپتارى» - ءوڭىردىڭ اسەم تابيعات كورىنىستەرى مەن تۇرمىس-تىرشىلىگىن، كورىكتى جەرلەرىن سۋرەتتەيتىن، سونداي-اق، TURKSOY-عا مۇشە فوتوسۋرەتشىلەر مەن وبلىسىمىزعا بەلگىلى فوتوسۋرەتشىلەردىڭ قازىعۇرت، تۇركىستان، كەنتاۋ، وتىرار، قاراتاۋ، سارىاعاش، جەتىساي، سوزاق، بايدىبەك، تۇلكىباس، تولەبي، سايرام اۋداندارى مەن قالالارىندا تۇسىرگەن فوتوسۋرەتتەرى. «وڭتۇستىكتىڭ كيەلى ورىندارى» - ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جاسالعان «قازاقستاننىڭ كيەلى جەرلەرىنىڭ گەوگرافياسى» جوباسى بويىنشا قاسيەتتى، كيەلى جەرلەردىڭ تىزىمىنە وڭتۇستىكتەن ەنگىزىلگەن تاريحي-مادەني نىسانداردىڭ فوتوسۋرەتتەرى قويىلادى. ياعني، كەشەندى كارتا، رەسپۋبليكالىق تىزىمگە ەنگىزىلگەن جانە جەرگىلىكتى تىزىمگە ەنگىزىلگەن قاسيەتتى، كيەلى جەرلەر.
سونىمەن بىرگە «سۋرەتشىلەر، قولونەر شەبەرلەرىنىڭ تۋىندىلارى» - وبلىستىق بەينەلەۋ ونەرى مۋزەيىنىڭ باعدارلاما اياسىندا جيناعان قۇندى جادىگەرلەرىمەن سۋرەتشىلەردىڭ شىعارماشىلىق جۇمىستارى، قولونەرشىلەردىڭ كوركەم ونەر بۇيىمدارى جانە «وڭتۇستىكتىڭ اقىن-جازۋشىلارىنىڭ كىتاپ كورمەسى» – وڭتۇستىكتەن شىققان ەلىمىزگە بەلگىلى اقىن-جازۋشىلاردىڭ «رۋحاني جاڭعىرۋ» باعدارلاماسى اياسىندا شىققان كىتاپتارى مەن وبلىستىڭ تابيعاتى، ولكە تاريحىنا ارنالعان كىتاپتارى مەن «قازاقستانداعى 100 جاڭا ەسىم جوباسى» – «قازاقستانداعى 100 جاڭا ەسىم» جوباسىنا وڭتۇستىك قازاقستان وبلىسىنان ەنگىزىلگەن ازاماتتاردىڭ فوتوسۋرەتتەرى مەن ءومىرباياندارى.
سونداي-اق، «مادەني ءىس-شارالار كورمەسى» - «رۋحاني جاڭعىرۋ» باعدارلاماسى اياسىندا وبلىستا جىل سايىن وتكىزىلەتىن وقو اكىمىنىڭ 12 ءىس-شاراسىنىڭ ورىندالعان 5 ءىس-شاراسىنان فوتو سۋرەتتەر جانە «وڭتۇستىكتە تۇسىرىلگەن فيلمدەردىڭ كورمەسى» – «رۋحاني جاڭعىرۋ» باعدارلاماسى اياسىندا وبلىستا تۇسىرىلگەن كوركەم، انيماسيالىق، دەرەكتى فيلمدەر.
بۇدان بولەك، «ەلوردا – استانا قالاسىنىڭ 20 جىلدىعى» - ەلوردانىڭ 20 جىلدىعىنا ارناپ توقىلعان، قالانىڭ كورىكتى جەرلەرى بەينەلەنگەن كىلەمدەرمەن «تۋعانجەر» باعدارلاماسى - شەڭبەرىندە وبلىسقا كاسىپكەرلىك جاعىنان قولداۋ كورسەتىپ جۇرگەن ازاماتتارعا ارنالعان كورمە بولسا، سوڭعىسى «باعدارلاما اياسىندا جۇزەگە اسىرىلاتىن جوبالاردىڭ كورمەسى» - تۇركىستان، وتىرار، ورداباسى، قازىعۇرت، شىمكەنت قالالارىندا سالىنۋى جوسپارلانعان، ساۋلەت جانە قالا قۇرىلىسى باسقارماسىنىڭ ساۋلەتشىلەرى ورىنداعان جوبالارمەن ماكەتتەر.
