Máselen, oblysta qasietti jerlerdiń tizimin qalyptastyrýǵa usynystar ázirleitin óńirlik jumys toby qurylyp, kieli jerlerdiń óńirlik kartasynyń jobasy jasaldy. Qazirgi tańda «Qasietti Qazaqstan» ortalyǵymen jalpy respýblika boiynsha 100 nysan iriktelip alynsa, onyń ishinde Ońtústik Qazaqstan oblysynan 25 nysan engizilgen. Oblys kóleminde baǵdarlamalyq maqalanyń basymdyqtaryn júzege asyrý boiynsha «Túrkistan – Túrki áleminiń mádeni astanasy» jobasyn erekshe ataýǵa bolady. Munyń aiasynda 40-tan astam shara ótkizildi.
«Oblysta «Týǵan jer» arnaiy jobasy boiynsha 50 joba daiyndalyp, 150-den asa is-shara júzege asyrylýda. Sondai-aq, kásipkerler men demeýshilermen jalpy 31 mlrd. 467 mln. teńgeni quraityn 577 óńirlik joba júrgizilip keledi. Onyń ishinde, 2017 jyly 6342,8 mln. teńgege 473 nysan aiaqtalyp, paidalanýǵa berildi. Jalpy «Rýhani jańǵyrý» baǵdarlamasy endi jańa jobalar boiynsha júrgiziledi», - dedi Baqytjan Aidarhanuly.
Sonymen qatar, oblys basshysynyń qoldaýymen tarihi-mádeni muralarymyzdy nasihattap, jastarǵa patriottyq tárbie berý maqsatynda «Kóne jetigenniń syry» atty 10 seriialy telehikaia, «Kieli Qazyǵurt», «Otyrardy qorǵaý», «Kúsh atasy – Qajymuqan» atty animatsiialyq jáne «Uly Jibek Jolyndaǵy eskertkishter» syndy derekti filmder túsirilip, el nazaryna usynyldy
«Rýhani jańǵyrý» jobalyq keńseniń bas menedjeri Damir Júnisovtiń aitýynsha, Elbasynyń maqalasyndaǵy atalǵan 6 baǵyt boiynsha óńirde aǵymdaǵy jyly jańa tyń jobalar qolǵa alynyp, atqarylatyn jumystar jandana túsedi. Atap aitqanda, túrli taqyrypta derekti jáne animatsiialyq filmder, respýblikalyq forýmdar, tanymdyq baiqaýlar men festivalder uiymdastrylady.
OQO ákiminiń baspasóz qyzmeti
