ماسەلەن، وبلىستا قاسيەتتى جەرلەردىڭ ءتىزىمىن قالىپتاستىرۋعا ۇسىنىستار ازىرلەيتىن وڭىرلىك جۇمىس توبى قۇرىلىپ، كيەلى جەرلەردىڭ وڭىرلىك كارتاسىنىڭ جوباسى جاسالدى. قازىرگى تاڭدا «قاسيەتتى قازاقستان» ورتالىعىمەن جالپى رەسپۋبليكا بويىنشا 100 نىسان ىرىكتەلىپ الىنسا، ونىڭ ىشىندە وڭتۇستىك قازاقستان وبلىسىنان 25 نىسان ەنگىزىلگەن. وبلىس كولەمىندە باعدارلامالىق ماقالانىڭ باسىمدىقتارىن جۇزەگە اسىرۋ بويىنشا «تۇركىستان – تۇركى الەمىنىڭ مادەني استاناسى» جوباسىن ەرەكشە اتاۋعا بولادى. مۇنىڭ اياسىندا 40-تان استام شارا وتكىزىلدى.
«وبلىستا «تۋعان جەر» ارنايى جوباسى بويىنشا 50 جوبا دايىندالىپ، 150-دەن اسا ءىس-شارا جۇزەگە اسىرىلۋدا. سونداي-اق، كاسىپكەرلەر مەن دەمەۋشىلەرمەن جالپى 31 ملرد. 467 ملن. تەڭگەنى قۇرايتىن 577 وڭىرلىك جوبا جۇرگىزىلىپ كەلەدى. ونىڭ ىشىندە، 2017 جىلى 6342،8 ملن. تەڭگەگە 473 نىسان اياقتالىپ، پايدالانۋعا بەرىلدى. جالپى «رۋحاني جاڭعىرۋ» باعدارلاماسى ەندى جاڭا جوبالار بويىنشا جۇرگىزىلەدى»، - دەدى باقىتجان ايدارحان ۇلى.
سونىمەن قاتار، وبلىس باسشىسىنىڭ قولداۋىمەن تاريحي-مادەني مۇرالارىمىزدى ناسيحاتتاپ، جاستارعا پاتريوتتىق تاربيە بەرۋ ماقساتىندا «كونە جەتىگەننىڭ سىرى» اتتى 10 سەريالى تەلەحيكايا، «كيەلى قازىعۇرت»، «وتىراردى قورعاۋ»، «كۇش اتاسى – قاجىمۇقان» اتتى انيماسيالىق جانە «ۇلى جىبەك جولىنداعى ەسكەرتكىشتەر» سىندى دەرەكتى فيلمدەر ءتۇسىرىلىپ، ەل نازارىنا ۇسىنىلدى
«رۋحاني جاڭعىرۋ» جوبالىق كەڭسەنىڭ باس مەنەدجەرى دامير ءجۇنىسوۆتىڭ ايتۋىنشا، ەلباسىنىڭ ماقالاسىنداعى اتالعان 6 باعىت بويىنشا وڭىردە اعىمداعى جىلى جاڭا تىڭ جوبالار قولعا الىنىپ، اتقارىلاتىن جۇمىستار جاندانا تۇسەدى. اتاپ ايتقاندا، ءتۇرلى تاقىرىپتا دەرەكتى جانە انيماسيالىق فيلمدەر، رەسپۋبليكالىق فورۋمدار، تانىمدىق بايقاۋلار مەن فەستيۆالدەر ۇيىمداسترىلادى.
وقو اكىمىنىڭ باسپا ءسوز قىزمەتى
