«Rýhani jańǵyrý» damýdyń ózegine ainaldy
Qoǵamdyq sanany jańǵyrtýǵa baǵyttalyp otyrǵan bul ideianyń usynylýy ýaqyt talaby men el damýynyń tarihi kezeńine sai, mańyzy zor sheshim bolyp otyr. Bul ideianyń úshinshi jańǵyrýdyń ózegine ainalýy, elimizge múldem jańasha sipat, tyń serpin ákeleri anyq.
Sanany rýhani jańǵyrtýǵa básekege qabiletti, bilimdi eldiń ǵana shamasy jetedi. Sol sebepten Elbasy rýhani jańǵyrýdaǵy ulttyq sananyń róline basa nazar aýdaryp, birneshe mindetterdi aiqyndap berdi. Elbasy atalǵan maqaladan jańasha bastaý alatyn «Týǵan elge» ulasatyn «Týǵan jer» baǵdarlamasyn qolǵa alýdy usynyp otyr. Árbir azamattyń óziniń týǵan jeriniń gúldenýi úshin naqty úles qosýǵa úndeidi.
Jas býyn ókilderi halyqtyń igi dástúrinen tálim alyp, eljandylyq, patriottyq qasietterdi boiyna sińirip ósý úshin naq osyndai baǵdardyń mańyzdylyǵy zor.
Elimizdiń ulttyq bilim berý júiesinde «Qazaqstandyq patriotizm» uǵymy qoldanylyp keledi. «Qazaqstandyq patriotizm» arqyly Otan, týǵan jer, el, atameken, týǵan ólke týraly túsinikter oqý- tárbie úrdisinde, sabaqtan tys is- sharalarda Otansúigishtik sezimdi damytýǵa, ulttyq salt- dástúrdi saqtaý, memlekettik rámizderdi qurmetteý siiaqty sezimderdi oqýshylar boiynda qalyptastyrý júzege asyrylýda.
Eń bastysy-jas urpaq boiynda Otanǵa, týǵan eline degen súiispenshilik sezimin qalyptastyrý. Jastar tárbiesindegi basty ustanym- ózin-ózi basqarýǵa múmkindik berip, erkindikti, sóz bostandyǵyn, pikir bostandyǵyn sezdirtý, olardyń ustanymdarymen sanasý.
Patriotizm kindik qanyń tamǵan jerińe, ósken aýylyńa, qalań men óńirińe degen súiispenshilikten bastalady. Sol sebepti men «Týǵan jer» baǵdarlamasyn qolǵa alýdy usynamyn» degeni jastardy patriottyq rýhta tárbieleý isinde baǵa jetpes usynys.
Elbasymyzdyń «Bolashaqqa baǵdar: rýhani jańǵyrý» atty maqalasy qoǵam damýyna tyń serpin berip, barsha qazaqstandyqtardyń jappai qoldaýyna ie bolar tarihi bastama. Bul igi bastamany el ishinde nasihattap, laiyqty júzege asyrý – barshamyzdyń mindetimiz.
Elbasy rýhani jańǵyrýdaǵy ulttyq sananyń róline basa nazar aýdaryp, birneshe mindetterdi aiqyndap berdi. Onyń eń negizgisi ulttyń tereń tarihynan bastaý alatyn rýhani ustanymdy saqtap qalý. Qundylyqtarymyz ben ozyq dástúrimizdi tabysty jańǵyrýdyń alǵyshartyna ainaldyra bilý. Bul rette, Elbasy «Jańǵyrý jolynda babalardan miras bolyp, qanymyzǵa sińgen, búginde tamyrymyzda búlkildep jatqan izgi qasietterimizdi qaita túletýimiz kerek» ekenin atap kórsetti.
Elbasynyń ideiasy tarihqa degen kózqarasty túzetý men ulttyq biregeilikti saqtap, ulttyq sana-sezimniń kókjiegin keńeitý jaily bolyp otyr. Elbasynyń «Bizge tarih týraly ózderiniń sýbektivti paiymdaryn tyqpalaýǵa eshkimniń qaqysy joq» deýi sheshimdi pikir.
Rýhani jańǵyrýda qoiylyp otyrǵan mańyzdy máseleniń biri «sananyń ashyqtyǵy». Jahandaný úrdisindegi basty talap álemdik tilderdi igerýge umtylý. Bul bizdiń ǵalamdyq úrdiske tolyqqandy aralasýymyzǵa jol ashady. Álemdik ozyq tájiribe men jetistikterge qol jetkizýimizge múmkindik týǵyzatyny anyq.
Dariǵa ASQAR, T.Júrgenov óner akademiiasynyń 4 kýrs stýdenti
