«Qazaqmys korporasıasy» JSHS Basqarma tóraǵasy Rýslan Óskenáli kompanıanyń negizgi óndiristik nysandaryn aralady, dep habarlaıdy Dalanews.kz.
Shyǵys Jezqazǵan kenishinde Basqarma tóraǵasy tehnologıalyq úderistermen, qazirgi óndiristik kórsetkishtermen, sondaı-aq taý-ken tehnıkasyn paıdalaný men qyzmet kórsetý rejımimen, jóndeý jáne servıs prosesteriniń uıymdastyrylýymen tanysty.
Eńbekti qorǵaý jáne ónerkásiptik qaýipsizdik máselelerine erekshe nazar aýdaryldy. Rýslan Óskenáliniń aıtýynsha, jer asty kásiporyndaryndaǵy geomehanıkalyq jaǵdaıdy taldaý jáne monıtorıń júrgizý úshin belsendi túrde sıfrlyq sheshim engizý qajet. Bul qaýipsizdik deńgeıin arttyrýǵa jáne oryn alýy múmkin táýekelderdi der kezinde anyqtaýǵa múmkindik beredi.
Jezqazǵan baıytý fabrıkasy men Jezqazǵan mys balqytý zaýytynda kompanıa basshylyǵy áriptesterimen birge negizgi óndiristik sehtardy aralady. Sapar barysynda Basqarma tóraǵasy jabdyqtardyń jaǵdaıymen tanysyp, onyń tozý deńgeıin baǵalady.
Sonymen qatar sapar barysynda kásiporyndardyń damý perspektıvasy, onyń ishinde bolashaqtaǵy ınvestısıalyq josparlar men basym ınvestısıalyq baǵdarlamalar talqylandy.
Bul saparda eńbek ujymdarymen kezdesý ótkizilgen joq, mundaı kezdesý aldaǵy ýaqytqa josparlanǵan. Kompanıa basshylyǵy barlyq óndiristik alańdarda qyzmetkerlermen tikeleı dıalog ornatýǵa nıetti.
Kásiporyndarǵa jasalǵan tanysý sapary kompanıa basshylyǵynyń júıeli jumysynyń mańyzdy bóligi bolyp tabylady. Ol naqty óndiristik úderisti tereń túsinýge, negizgi mindetterdi aıqyndaýǵa jáne bolashaq damý josparyn qalyptastyrýǵa baǵyttalǵan. Aldaǵy ýaqytta óndiristi jańǵyrtý jáne onyń tıimdiligin arttyrý boıynsha aýqymdy jumys pen jospardy júzege asyrý mindeti tur.
