«قازاقمىس كورپوراسياسى» ج ش س باسقارما ءتوراعاسى رۋسلان وسكەنالى كومپانيانىڭ نەگىزگى وندىرىستىك نىساندارىن ارالادى، دەپ حابارلايدى Dalanews.kz.
شىعىس جەزقازعان كەنىشىندە باسقارما ءتوراعاسى تەحنولوگيالىق ۇدەرىستەرمەن، قازىرگى وندىرىستىك كورسەتكىشتەرمەن، سونداي-اق تاۋ-كەن تەحنيكاسىن پايدالانۋ مەن قىزمەت كورسەتۋ رەجيمىمەن، جوندەۋ جانە سەرۆيس پروسەستەرىنىڭ ۇيىمداستىرىلۋىمەن تانىستى.
ەڭبەكتى قورعاۋ جانە ونەركاسىپتىك قاۋىپسىزدىك ماسەلەلەرىنە ەرەكشە نازار اۋدارىلدى. رۋسلان وسكەنالىنىڭ ايتۋىنشا، جەر استى كاسىپورىندارىنداعى گەومەحانيكالىق جاعدايدى تالداۋ جانە مونيتورينگ جۇرگىزۋ ءۇشىن بەلسەندى تۇردە سيفرلىق شەشىم ەنگىزۋ قاجەت. بۇل قاۋىپسىزدىك دەڭگەيىن ارتتىرۋعا جانە ورىن الۋى مۇمكىن تاۋەكەلدەردى دەر كەزىندە انىقتاۋعا مۇمكىندىك بەرەدى.
جەزقازعان بايىتۋ فابريكاسى مەن جەزقازعان مىس بالقىتۋ زاۋىتىندا كومپانيا باسشىلىعى ارىپتەستەرىمەن بىرگە نەگىزگى وندىرىستىك سەحتاردى ارالادى. ساپار بارىسىندا باسقارما ءتوراعاسى جابدىقتاردىڭ جاعدايىمەن تانىسىپ، ونىڭ توزۋ دەڭگەيىن باعالادى.
سونىمەن قاتار ساپار بارىسىندا كاسىپورىنداردىڭ دامۋ پەرسپەكتيۆاسى، ونىڭ ىشىندە بولاشاقتاعى ينۆەستيسيالىق جوسپارلار مەن باسىم ينۆەستيسيالىق باعدارلامالار تالقىلاندى.
بۇل ساپاردا ەڭبەك ۇجىمدارىمەن كەزدەسۋ وتكىزىلگەن جوق، مۇنداي كەزدەسۋ الداعى ۋاقىتقا جوسپارلانعان. كومپانيا باسشىلىعى بارلىق وندىرىستىك الاڭداردا قىزمەتكەرلەرمەن تىكەلەي ديالوگ ورناتۋعا نيەتتى.
كاسىپورىندارعا جاسالعان تانىسۋ ساپارى كومپانيا باسشىلىعىنىڭ جۇيەلى جۇمىسىنىڭ ماڭىزدى بولىگى بولىپ تابىلادى. ول ناقتى وندىرىستىك ۇدەرىستى تەرەڭ تۇسىنۋگە، نەگىزگى مىندەتتەردى ايقىنداۋعا جانە بولاشاق دامۋ جوسپارىن قالىپتاستىرۋعا باعىتتالعان. الداعى ۋاقىتتا ءوندىرىستى جاڭعىرتۋ جانە ونىڭ تيىمدىلىگىن ارتتىرۋ بويىنشا اۋقىمدى جۇمىس پەن جوسپاردى جۇزەگە اسىرۋ مىندەتى تۇر.
