Shymkent ákiminiń orynbasary Rýslan Berdenov sotta jaýap berip jatyr, dep habarlaidy Dalanews.kz.
Shymkent qalasy ákiminiń orynbasary Rýslan Berdenovke jasalǵan qastandyq isi boiynsha sot protsesi taraptardyń jaryssózi kezeńine shyqty.
Prokýror aiyptalýshy Ernar Jiembaiǵa búgin jaza taǵaiyndaýdy suraidy. Osy kúnge deiingi sottarǵa Berdenov qatysa almaǵan, sebebi uzaq ýaqyt em qabyldap, jaqynda taǵy bir ota jasatqan. Sońǵy tyńdaýǵa sheneýnik tikelei aýrýhanadan onlain qosyldy.
Buǵan deiingi jaǵdai
Eske salaiyq, buǵan deiin Rýslan Berdenov sotqa kelýge mindettelgeni habarlandy. Sot otyrysynda sýdia Ábinur Qarabaev Rýslan Berdenovti 6 tamyzǵa josparlanǵan negizgi sot protsesine mindetti túrde qatysýǵa shaqyrdy.
Sebebi Rýslan Berdenov aldyn ala tyńdaýǵa ózi kelmegen edi. Onyń ókili Rýslan Berdenov em qabyldap jatqanyn málimdedi.
Ákimdik mańyndaǵy atys týraly
21 sáýirde Shymkent qalasy ákimdigi ǵimaraty mańynda atys boldy. Saldarynan Rýslan Berdenov jaraqat aldy. Artynsha kúdikti ustalyp, ýaqytsha ustaý izoliatoryna qamaldy, bul derek boiynsha qylmystyq is qozǵaldy.
Bul is boiynsha basty kúdikti - Ernar Jiembai. Ashyq formatta ótken aldyn ala tyńdaý kezinde sýdia Jiembaidyń sot protsesi barysynda ózin túsirýge qarsy ekenin jetkizdi.
