Шымкент әкімінің орынбасары Руслан Берденов сотта жауап беріп жатыр, деп хабарлайды Dalanews.kz.

Шымкент қаласы әкімінің орынбасары Руслан Берденовке жасалған қастандық ісі бойынша сот процесі тараптардың жарыссөзі кезеңіне шықты.

Прокурор айыпталушы Ернар Жиембайға бүгін жаза тағайындауды сұрайды. Осы күнге дейінгі соттарға Берденов қатыса алмаған, себебі ұзақ уақыт ем қабылдап, жақында тағы бір ота жасатқан. Соңғы тыңдауға шенеунік тікелей ауруханадан онлайн қосылды.

Бұған дейінгі жағдай

Еске салайық, бұған дейін Руслан Берденов сотқа келуге міндеттелгені хабарланды. Сот отырысында судья Әбінұр Қарабаев Руслан Берденовті 6 тамызға жоспарланған негізгі сот процесіне міндетті түрде қатысуға шақырды.