Eks-depýtat Rýslan Berdenov bilim júiesine ózgeris engizýdi usyndy, dep habarlaidy Dalanews.kz.
Áleýmettik jelide Rýslan Berdenovtiń bilim berý júiesine qatysty aitqan pikiri qyzý talqyǵa túsip, oqyrmandary óńirlerdegi túitkildi máselelerdi jetkizgen.
"Óte ózekti másele qozǵadyńyz. Men ózim mektepte muǵalim bolyp jasaimyn. Oqý jyly bastalǵaly bitpeitin is-shara, selkildeýden synyp jetekshiler sharshadyq. ...Ózi ainaldyrǵan 45 minýt", "Men de muǵalimmin, kózboiaýshylyq óte kóp", "Mektepte reiting degen bolmaýy kerek. Kózdi jumyp, ótirik baǵany qoiamyz, áitpese synyptyń reitingi, mekteptiń reitingi túsedi dep", "Áiteýir bitpeitin fleshmob, video túsirý kerek muǵalimge, qashan sabaq ótedi muǵalim?" - dedi olar.
Endi bir muǵalim bitpeitin is-sharanyń kesirinen jetkizý qyzmetine jumysqa kirgenin aitqan.
"Ultty tárbieleýge tiis muǵalimderimiz, ókinishke qarai, búginde kýrer bolyp júr", - dedi bul týrasynda Rýslan Berdenov.
Sondai-aq, bi keshi siiaqty sharalarǵa toqtaý bolý kerek ekenin jetkizdi.
"Biz mektep kezde muǵalimderden jasyryn diskoteka uiymdastyratynbyz. Onyń tárbielik te, ómirlik te paidasy bolǵan joq. Kerisinshe Zuko men Invite siiaqty sýsyndardan bastalǵan ádet ýaqyt óte alkogolge aýysty. Kóp jas ishimdikti dál osyndai otyrystardan úirendi. Qazir bolsa diskoteka - keibir mektepterde aptalyq mindetti programma", - dedi ol.
