Óitkeni, qazir 1 rýbldiń quny 9 teńgege deiin jetken. Sonyń saldarynan Reseiden keletin importtyq ónimderdiń baǵasy 50 paiyzǵa deiin qymbattaǵan.
Biraq, álemdik naryqta sanktsiialarǵa bailanysty Resei aqshasyna degen suranys múldem joq.
– Resei azamattary aqshasyn aldymen teńgege aýystyryp, sodan keiin ony dollarǵa aiyrbastap jatyr. Keiin kókqaǵazdy qaltaǵa basyp, Resei rýblin bizde qaldyryp kete barady, – deidi depýtat Jamalov.
Eldegi bankterdegi Resei aqshasynyń kóptigi sonsha tipti ony aiyrbastaý úshin arnaiy komissiia da engizip qoiǵan.
Májilismen osyny eskerip aiyrbastaý oryndarynda rýbl saýdasyn múldem toqtatýdy usyndy. Al, bank qazynasyndaǵy Resei aqshasyn syrtqy qaryzdy óteýge jumsaý kerektigin alǵa tartty.
– Rýbldi basqa valiýtaǵa aiyrbastaityn sheteldik azamattar úshin kapitaldy dollarmen nemese evromen alýǵa shekteýler engizý qajet dep sanaimyn.
Ekinshiden, aiyrbastaý pýnktterimen Resei rýblin satyp alýǵa jáne satýǵa shekteýler engizý kerek.
Úshinshiden, Resei naryǵynda rýbl baǵamynyń qalyptasý erekshelikterin eskere otyryp, rýbldiń teńgege arnaiy eseptik baǵamyn qalyptastyrý sharalaryn qabyldaý qajet, – dedi Májilis depýtaty Amanjan Jamalov.
