"Samuryq-Qazyna" AQ men Rýandanyń memlekettik organy Rwanda Mines, Petroleum and Gas Board (RMB) arasynda yntymaqtastyq jónindegi kelisimge qol qoiyldy. Ulttyq qor málimetinshe, bul qujat Rýanda territoriiasynda óndiriletin berilliia shikizatyn "Qazatomónerkásip" UAK" AQ qajettiligine paidalaný úshin jetkizilim múmkindikterin qarastyrady, dep habarlaidy Dalanews.kz.
Bul qujatqa Memleket basshysy Qasym-Jomart Toqaev pen Qazaqstanǵa resmi saparmen kelgen Rýanda Prezidenti Pol Kagameniń júrgizgen kelssózder qorytyndysy boiynsha qol qoiý múmkin boldy.
Qos memleket basshylarynyń kezdesýiniń qorytyndysy boiynsha myna toǵyz qujatqa qol qoiyldy:
- Qazaqstan Respýblikasy Syrtqy ister ministrligi men Rýanda Respýblikasy Syrtqy ister jáne halyqaralyq yntymaqtastyq ministrligi arasynda saiasi jáne diplomatiialyq konsýltatsiialar boiynsha ózara túsinistik týraly memorandým;
- Qazaqstan Respýblikasy Qarjy ministrligi men Rýanda Respýblikasy Qarjy jáne ekonomikalyq josparlaý ministrligi arasyndaǵy yntymaqtastyq týraly memorandým;
- Qazaqstan Respýblikasy Tsifrlyq damý, innovatsiia jáne aeroǵarysh ónerkásibi ministrligi men Rýanda Respýblikasy Aqparattyq-kommýnikatsiialyq tehnologiialar jáne innovatsiia ministrligi arasynda aqparattyq-kommýnikatsiialyq tehnologiialar salasyndaǵy yntymaqtastyq boiynsha ózara túsinistik týraly memorandým;
- Qazaqstan Respýblikasy Ǵylym jáne joǵary bilim ministrligi men Rýanda Respýblikasy Bilim ministrligi arasyndaǵy ózara túsinistik týraly memorandým;
- Qazaqstan Respýblikasy Aýyl sharýashylyǵy ministrligi men Rýanda Respýblikasy Aýyl jáne mal sharýashylyǵy ministrligi arasyndaǵy ózara túsinistik týraly memorandým;
- "Samuryq-Qazyna" AQ men Rwanda Mines, Petroleum and Gas Board arasyndaǵy yntymaqtastyq jónindegi kelisim;
- Qazaqstan Respýblikasy Týrizm jáne sport ministrligi men Rýanda Respýblikasy Damý keńesiniń arasyndaǵy ózara túsinistik týraly memorandým;
- Qazaqstan Respýblikasy Saýda jáne integratsiia ministrligi men Rýanda Respýblikasy Saýda jáne indýstriia ministrligi arasyndaǵy ózara túsinistik týraly memorandým;
- "Kazakh Invest" Ulttyq kompaniiasy" AQ men Rýanda Respýblikasy Damý keńesiniń arasyndaǵy ózara túsinistik týraly memorandým.
Qol qoiý rásiminen keiin qos prezident baspasóz aldyna shyqty.
Memleket basshysy Rýanda Prezidenti Pol Kagameniń Qazaqstanǵa 2015 jyly jasaǵan saparynan keiin eki eldiń ózara qurmetke negizdelgen, yntymaqtastyq pen ornyqty damýdy kózdeitin qarym-qatynasy aitarlyqtai tabysqa jetkenin atap ótti.
Prezident Qazaqstannyń Afrika memleketterimen bailanysty keńeitýge erekshe mán beretine nazar aýdardy.
"Sizdiń kóregen kóshbasshylyǵyńyzben Rýanda damý dańǵylyna túsip, institýtsionaldy ornyqtylyq pen bolashaqqa baǵdarlanǵan jańashyldyqtyń úlgisin kórsetti. Elińizdiń ekonomikalyq ósimi 8 paiyzdan asty. Bul – jańǵyrtýdyń jarqyn kórinisi. Osy oraida Sizdiń elińizben yntymaqtastyqty damytýǵa airyqsha mán beremiz. Qazaqstan ekijaqty tiimdi bailanystardy naqty jobalar arqyly ilgeriletýge daiyn. Sizdiń saparyńyz barysynda qol jetkizilgen ýaǵdalastyqtar Qazaqstan men Rýanda arasyndaǵy qarym-qatynasty jańa deńgeige kóteretinine senimdimin", – dedi Qasym-Jomart Toqaev.
Pol Kagame kórsetilgen syi-qurmet úshin rizashylyǵyn bildirip, Qazaqstannyń ekijaqty yqpaldastyqty damytýdaǵy kúsh-jigerine joǵary baǵa berdi. Sondai-aq Rýanda men Qazaqstan arasyndaǵy seriktestiktiń áleýetine toqtalyp, eki eldiń órkendeýine jáne strategiialyq dialogtyń nyǵaiýyna yqpal etetin birlesken jobalardy júzege asyrýǵa daiyn ekenin jetkizdi.
"Astanaǵa ekinshi márte jolym túskenine qýanyshtymyn. Qazaqstan ulttyq damý jolynda tolaiym tabysqa jetip, sonyń arqasynda halyqaralyq arenadaǵy róli artyp keledi. Biz Ózińizben jáne Sizdiń elińizben seriktes ári dostas bolǵanymyzǵa rizamyz", – dedi Rýanda Prezidenti.
Memleketter basshylary ekijaqty yqpaldastyqtyń basym baǵyttaryn, sonyń ishinde saýda, investitsiia, kólik, aýyl sharýashylyǵy, aqparattyq tehnologiia, elektrondyq úkimet jáne qarjy salalaryndaǵy bailanystardy damytýǵa ýaǵdalasty.
