"سامۇرىق-قازىنا" اق مەن رۋاندانىڭ مەملەكەتتىك ورگانى Rwanda Mines، Petroleum and Gas Board (RMB) اراسىندا ىنتىماقتاستىق جونىندەگى كەلىسىمگە قول قويىلدى. ۇلتتىق قور مالىمەتىنشە، بۇل قۇجات رۋاندا تەرريتورياسىندا وندىرىلەتىن بەريلليا شيكىزاتىن "قازاتومونەركاسىپ" ۇاك" اق قاجەتتىلىگىنە پايدالانۋ ءۇشىن جەتكىزىلىم مۇمكىندىكتەرىن قاراستىرادى، دەپ حابارلايدى Dalanews.kz.
بۇل قۇجاتقا مەملەكەت باسشىسى قاسىم-جومارت توقايەۆ پەن قازاقستانعا رەسمي ساپارمەن كەلگەن رۋاندا پرەزيدەنتى پول كاگامەنىڭ جۇرگىزگەن كەلسسوزدەر قورىتىندىسى بويىنشا قول قويۋ مۇمكىن بولدى.
قوس مەملەكەت باسشىلارىنىڭ كەزدەسۋىنىڭ قورىتىندىسى بويىنشا مىنا توعىز قۇجاتقا قول قويىلدى:
- قازاقستان رەسپۋبليكاسى سىرتقى ىستەر مينيسترلىگى مەن رۋاندا رەسپۋبليكاسى سىرتقى ىستەر جانە حالىقارالىق ىنتىماقتاستىق مينيسترلىگى اراسىندا ساياسي جانە ديپلوماتيالىق كونسۋلتاسيالار بويىنشا ءوزارا تۇسىنىستىك تۋرالى مەموراندۋم؛
- قازاقستان رەسپۋبليكاسى قارجى مينيسترلىگى مەن رۋاندا رەسپۋبليكاسى قارجى جانە ەكونوميكالىق جوسپارلاۋ مينيسترلىگى اراسىنداعى ىنتىماقتاستىق تۋرالى مەموراندۋم؛
- قازاقستان رەسپۋبليكاسى سيفرلىق دامۋ، يننوۆاسيا جانە اەروعارىش ونەركاسىبى مينيسترلىگى مەن رۋاندا رەسپۋبليكاسى اقپاراتتىق-كوممۋنيكاسيالىق تەحنولوگيالار جانە يننوۆاسيا مينيسترلىگى اراسىندا اقپاراتتىق-كوممۋنيكاسيالىق تەحنولوگيالار سالاسىنداعى ىنتىماقتاستىق بويىنشا ءوزارا تۇسىنىستىك تۋرالى مەموراندۋم؛
- قازاقستان رەسپۋبليكاسى عىلىم جانە جوعارى ءبىلىم مينيسترلىگى مەن رۋاندا رەسپۋبليكاسى ءبىلىم مينيسترلىگى اراسىنداعى ءوزارا تۇسىنىستىك تۋرالى مەموراندۋم؛
- قازاقستان رەسپۋبليكاسى اۋىل شارۋاشىلىعى مينيسترلىگى مەن رۋاندا رەسپۋبليكاسى اۋىل جانە مال شارۋاشىلىعى مينيسترلىگى اراسىنداعى ءوزارا تۇسىنىستىك تۋرالى مەموراندۋم؛
- "سامۇرىق-قازىنا" اق مەن Rwanda Mines، Petroleum and Gas Board اراسىنداعى ىنتىماقتاستىق جونىندەگى كەلىسىم؛
- قازاقستان رەسپۋبليكاسى تۋريزم جانە سپورت مينيسترلىگى مەن رۋاندا رەسپۋبليكاسى دامۋ كەڭەسىنىڭ اراسىنداعى ءوزارا تۇسىنىستىك تۋرالى مەموراندۋم؛
- قازاقستان رەسپۋبليكاسى ساۋدا جانە ينتەگراسيا مينيسترلىگى مەن رۋاندا رەسپۋبليكاسى ساۋدا جانە يندۋستريا مينيسترلىگى اراسىنداعى ءوزارا تۇسىنىستىك تۋرالى مەموراندۋم؛
- "Kazakh Invest" ۇلتتىق كومپانياسى" اق مەن رۋاندا رەسپۋبليكاسى دامۋ كەڭەسىنىڭ اراسىنداعى ءوزارا تۇسىنىستىك تۋرالى مەموراندۋم.
قول قويۋ راسىمىنەن كەيىن قوس پرەزيدەنت باسپا ءسوز الدىنا شىقتى.
مەملەكەت باسشىسى رۋاندا پرەزيدەنتى پول كاگامەنىڭ قازاقستانعا 2015 جىلى جاساعان ساپارىنان كەيىن ەكى ەلدىڭ ءوزارا قۇرمەتكە نەگىزدەلگەن، ىنتىماقتاستىق پەن ورنىقتى دامۋدى كوزدەيتىن قارىم-قاتىناسى ايتارلىقتاي تابىسقا جەتكەنىن اتاپ ءوتتى.
پرەزيدەنت قازاقستاننىڭ افريكا مەملەكەتتەرىمەن بايلانىستى كەڭەيتۋگە ەرەكشە ءمان بەرەتىنە نازار اۋداردى.
"ءسىزدىڭ كورەگەن كوشباسشىلىعىڭىزبەن رۋاندا دامۋ داڭعىلىنا ءتۇسىپ، ينستيتۋسيونالدى ورنىقتىلىق پەن بولاشاققا باعدارلانعان جاڭاشىلدىقتىڭ ۇلگىسىن كورسەتتى. ەلىڭىزدىڭ ەكونوميكالىق ءوسىمى 8 پايىزدان استى. بۇل – جاڭعىرتۋدىڭ جارقىن كورىنىسى. وسى ورايدا ءسىزدىڭ ەلىڭىزبەن ىنتىماقتاستىقتى دامىتۋعا ايرىقشا ءمان بەرەمىز. قازاقستان ەكىجاقتى ءتيىمدى بايلانىستاردى ناقتى جوبالار ارقىلى ىلگەرىلەتۋگە دايىن. ءسىزدىڭ ساپارىڭىز بارىسىندا قول جەتكىزىلگەن ۋاعدالاستىقتار قازاقستان مەن رۋاندا اراسىنداعى قارىم-قاتىناستى جاڭا دەڭگەيگە كوتەرەتىنىنە سەنىمدىمىن"، – دەدى قاسىم-جومارت توقايەۆ.
پول كاگامە كورسەتىلگەن سىي-قۇرمەت ءۇشىن ريزاشىلىعىن ءبىلدىرىپ، قازاقستاننىڭ ەكىجاقتى ىقپالداستىقتى دامىتۋداعى كۇش-جىگەرىنە جوعارى باعا بەردى. سونداي-اق رۋاندا مەن قازاقستان اراسىنداعى سەرىكتەستىكتىڭ الەۋەتىنە توقتالىپ، ەكى ەلدىڭ وركەندەۋىنە جانە ستراتەگيالىق ديالوگتىڭ نىعايۋىنا ىقپال ەتەتىن بىرلەسكەن جوبالاردى جۇزەگە اسىرۋعا دايىن ەكەنىن جەتكىزدى.
"استاناعا ەكىنشى مارتە جولىم تۇسكەنىنە قۋانىشتىمىن. قازاقستان ۇلتتىق دامۋ جولىندا تولايىم تابىسقا جەتىپ، سونىڭ ارقاسىندا حالىقارالىق ارەناداعى ءرولى ارتىپ كەلەدى. ءبىز وزىڭىزبەن جانە ءسىزدىڭ ەلىڭىزبەن سەرىكتەس ءارى دوستاس بولعانىمىزعا ريزامىز"، – دەدى رۋاندا پرەزيدەنتى.
مەملەكەتتەر باسشىلارى ەكىجاقتى ىقپالداستىقتىڭ باسىم باعىتتارىن، سونىڭ ىشىندە ساۋدا، ينۆەستيسيا، كولىك، اۋىل شارۋاشىلىعى، اقپاراتتىق تەحنولوگيا، ەلەكتروندىق ۇكىمەت جانە قارجى سالالارىنداعى بايلانىستاردى دامىتۋعا ۋاعدالاستى.
