Kólik vitse-ministri Talǵat Lastaev Iordaniia Hashimit Koroldiginiń Qazaqstan Respýblikasyndaǵy Tótenshe jáne Ókiletti Elshisi Hamza ál-Omari myrzamen kezdesti, dep habarlaidy Dalanews.kz.
"Hamza ál-Omari myrza "Royal Jordanian" áýe kompaniiasynyń 2026 jyldyń maýsymynan bastap aptasyna eki reis jiiligimen Qazaqstanǵa tikelei reisterdi oryndaý josparlary baryn jetkizdi. Óz kezeginde Qazaqstan tarapy qoldanystaǵy kelisimder aiasynda áýe reisterin ashýǵa qajetti kómek kórsetýge daiyn ekenin málimdedi", delingen Kólik ministrligi habarlamasynda.
Sonymen qatar, taraptar elder arasyndaǵy teńiz kemeleriniń ekipaj músheleriniń diplomdaryn ózara taný týraly kelisimge qol qoiý merzimderi týraly kelisti.
Buǵan deiin, Qazaqstan Respýblikasynyń Prezidenti Qasym-Jomart Toqaevtyń aǵymdaǵy jyldyń aqpan aiynda Iordaniia Hashimit Koroldigine saparynyń qorytyndysy boiynsha Iordaniia tarapy Qazaqstanǵa ushýdy bastaýǵa niet bildirdi.
Osyǵan orai, kezdesý barysynda taraptar áýe qozǵalysy týraly kelisimge qol qoiý múmkindigin qarastyryp, elder arasynda tikelei áýe qatynasyn ashý máselesin talqylady.
