"Rossotrýdnichestvo" statistikasy orys mektepteriniń sany boiynsha Qazaqstannyń Ortalyq Aziianyń barlyq memleketteri arasynda kósh bastap turǵanyn kórsetedi.
2023 jyly Qazaqstanda orys tilinde oqytatyn mektepter sany 3606 bolsa, kórshi Ózbekstanda 1 myńnan astam, Qyrǵyzstanda 751, Tájikstanda 200, Túrkimenstanda 71 mektep bolǵan.
Qazaqstanda biyl 339 880 oqýshy birinshi synypqa bardy. Onyń 70,7 paiyzy qazaq tilin, qalǵany orys tilin tańdaǵan.
Qaimana qazaqtyń ordasy – Ońtústik Qazaqstanda úsh orys mektebin ashý arqyly Resei osy aimaqtyń múlde orys tilinen airylyp qalý qaýpimen kúrespek. Osy úsh mektepke "Rossotrýdnichestvo" qarjyny aiamaityn bolady.
Odan bólek, qazaq halqynyń orys tiline degen qyzyǵýshylyǵyn arttyrý úshin kelesi jyly "Rossotrýdnichestvo" oryssha aitys uiymdastyrýdy qolǵa almaq.
Iaǵni, dombyrasyn kúiletken qazaq aqyndary múshairada oryssha aitysýy tiis. Oǵan demeýshilik etý "Rosneft" basshysy, atynan at úrketin sýperoligarh Igor Sechinge tabystalady.
Alǵashqy Gran-prige 1 million dollar, al ekinshi, úshinshi orynǵa kottedjder, 4-5 oryndarǵa Leksýs avtokólikteri, 6-10 oryndarǵa 20 million teńgeden qoiý oida bar. Mundai júldeler qoiylsa, Balǵynbek bastaǵan aqyndar orys tilin Pýshkinnen artyq meńgerip alary sózsiz. Oryssha aitys tikelei efirden kórsetiledi dep josparlanýda.
"Ia rýski znaiý qaracho,
Mne nýjen Leksýs, da ty che" degen shedevrlerdi tyńdaityn kún de alys emes siiaqty.
