"روسسوترۋدنيچەستۆو" ستاتيستيكاسى ورىس مەكتەپتەرىنىڭ سانى بويىنشا قازاقستاننىڭ ورتالىق ازيانىڭ بارلىق مەملەكەتتەرى اراسىندا كوش باستاپ تۇرعانىن كورسەتەدى.
2023 جىلى قازاقستاندا ورىس تىلىندە وقىتاتىن مەكتەپتەر سانى 3606 بولسا، كورشى وزبەكستاندا 1 مىڭنان استام، قىرعىزستاندا 751، تاجىكستاندا 200، تۇركىمەنستاندا 71 مەكتەپ بولعان.
قازاقستاندا بيىل 339 880 وقۋشى ءبىرىنشى سىنىپقا باردى. ونىڭ 70،7 پايىزى قازاق ءتىلىن، قالعانى ورىس ءتىلىن تاڭداعان.
قايمانا قازاقتىڭ ورداسى – وڭتۇستىك قازاقستاندا ءۇش ورىس مەكتەبىن اشۋ ارقىلى رەسەي وسى ايماقتىڭ مۇلدە ورىس تىلىنەن ايرىلىپ قالۋ قاۋپىمەن كۇرەسپەك. وسى ءۇش مەكتەپكە "روسسوترۋدنيچەستۆو" قارجىنى ايامايتىن بولادى.
ودان بولەك، قازاق حالقىنىڭ ورىس تىلىنە دەگەن قىزىعۋشىلىعىن ارتتىرۋ ءۇشىن كەلەسى جىلى "روسسوترۋدنيچەستۆو" ورىسشا ايتىس ۇيىمداستىرۋدى قولعا الماق.
ياعني، دومبىراسىن كۇيلەتكەن قازاق اقىندارى ءمۇشايرادا ورىسشا ايتىسۋى ءتيىس. وعان دەمەۋشىلىك ەتۋ "روسنەفت" باسشىسى، اتىنان ات ۇركەتىن سۋپەروليگارح يگور سەچينگە تابىستالادى.
العاشقى گران-پريگە 1 ميلليون دوللار، ال ەكىنشى، ءۇشىنشى ورىنعا كوتتەدجدەر، 4-5 ورىندارعا لەكسۋس اۆتوكولىكتەرى، 6-10 ورىندارعا 20 ميلليون تەڭگەدەن قويۋ ويدا بار. مۇنداي جۇلدەلەر قويىلسا، بالعىنبەك باستاعان اقىندار ورىس ءتىلىن پۋشكيننەن ارتىق مەڭگەرىپ الارى ءسوزسىز. ورىسشا ايتىس تىكەلەي ەفيردەن كورسەتىلەدى دەپ جوسپارلانۋدا.
"يا رۋسكي زنايۋ قاراچو،
منە نۋجەن لەكسۋس، دا تى چە" دەگەن شەديەۆرلەردى تىڭدايتىن كۇن دە الىس ەمەس سياقتى.
