Qazaqstan Respýblıkasy Premer-mınıstrdiń birinshi orynbasary Roman Sklár jumys saparymen "Nur Joly" Qazaqstan-Qytaı avtokólik ótkizý beketinde boldy, dep habarlaıdy Dalanews.kz.
Atalǵan is-shara Memleket basshysynyń shekara mańyndaǵy ınfraqurylymdy jańǵyrtý jáne logıstıkalyq baǵyttardyń tıimdiligin arttyrý jónindegi tapsyrmalaryn júzege asyrý aıasynda ótti.
Sapar barysynda Roman Sklár pýnkttiń ınfraqurylymy jáne óndiristik qyzmetimen tanysty, rásimderdi sıfrlandyrý, ótkizý qabileti deńgeıin, sondaı-aq júk tasymalynyń ashyqtyǵy men úzdiksiz júrgizilýin qamtamasyz etý barysyn baǵalady.
Tekserý qorytyndysy boıynsha Premer-mınıstrdiń birinshi orynbasary jaýapty memlekettik organdarǵa vedomstvoaralyq ózara is-qımyldy kúsheıtý, ótkizý pýnktterin jańǵyrtýdy jedeldetý, júkterdi óńdeý merzimderin saqtaı otyryp, sanıtarlyq-baqylaý talaptaryn qamtamasyz etý, sondaı-aq ótkizý prosesteriniń tıimdiligin arttyrý úshin zamanaýı IT-sheshimderdi engizý jóninde birqatar tapsyrma berdi.
Ótkizý pýnktteriniń QHR-men belsendi ekonomıkalyq ózara is-qımyl jaǵdaıynda eksporttyq-ımporttyq operasıalardy ornyqty damytý jáne elimizdiń tranzıttik áleýetin arttyrý úshin strategıalyq mańyzdylyǵy atap ótildi.
Atalǵan tapsyrmalardyń oryndalýy Úkimettiń turaqty baqylaýynda bolady.
