Qazaqstanda júrgizýshilerge baldyq júie engizilip, róli oń jaqta ornalasqan kólikterdi taksige paidalanýǵa tyiym salynbaq. Ishki ister ministrligi jol qaýipsizdigin kúsheitip jatyr, dep habarlaidy dalanews.kz.
Bul týraly Úkimet otyrysynda ishki ister ministri Erjan Sádenov aitty. Byltyrdan beri Qazaqstanda taksi agregatorlaryna baqylaý kúsheitilgen. Tsifrlyq aqparat almasý jolǵa qoiylǵan.
Olarǵa róli oń jaqta ornalasqan 70 myń kóliktiń tizimi jiberilgen. Sonymen qatar, sheneýnik júrgizýshi kýálikterin avtomatty túrde tekserý júiesi engizilip jatqanyn aitty. Iaǵni kýáligi joq adamdar jumys istei almaidy.
Buǵan qosa, júrgizýshilerdiń reis aldynda meditsinalyq tekseristen ótýin, kólikterdiń tehnikalyq tekserisi bolýyn baqylaýdyń naqty tetigin ázirleý josparlanyp otyr.
"Eń úzdik halyqaralyq tájiribeni zerdelep, engizip jatyrmyz. Qazir aiyppuldy elemeitinder bar. Olarmen kúresý maqsatynda baldyq júieni engizýdi pysyqtap jatyrmyz. Ol árbir zańbuzýshylyqty jáne onyń aýyrlyǵyn eskeredi. Aiyppulmen qatar, birneshe márte jasalǵan jáne aýyr zańbuzýshylyq úshin júrgizýshi kýáligin 1 jylǵa toqtatý kózdeledi", - dedi Erjan Sádenov.
