Bir oıyn alańynda robototehnıka chempıony ataǵyn alý úshin Almaty, Astana, Shymkent, Qaraǵandy, Ekibastuz, Jezqazǵan qalalarynan 30 úzdik mektep komandalary jınaldy.
Aıta ketelik, elimizdiń 30 mektebi bes aı boıyna Arduino mıkrokontrolleri negizinde eki robot ázirleýmen aınalysty.
Olardyń negizgi maqsaty- belgili bir ýaqyt aralyǵynda oıyn alańynda naqty komandalardy jınaý, dálirek aıtqanda: robottardyń ózderi robot óndirýmen aınalysý kerek edi.
Birinshiliktiń shymyldyǵyn túrgen İİTU-dyń prorektory Medet Turǵambaevtyń aıtýynsha bul báseke jańa býyndy zamanaýı tehnolıalardyń qyr-syryn túsinýge ıtermeleıdi. Robot tehnıkasyn damytý zaman kóshine ilesý.
«Baıqaýdy uıymdastyrýǵa Halyqaralyq aqparattyq tehnologıalar ýnıversıteti uıytqy boldy. Bizdiń oqý orny IT-ındýstrıasyndaǵy bilikti, halyqaralyq deńgeıde tanylǵan mamandardy daıyndaýdyń kóshbasshy.
Bul rette «IITURoboconGames» mektep oqýshylary arasyndaǵy jarys elimizde áli jolǵa damı qoımaǵan salanyń tynysyn ashady dep senemin. Qazaqstanda halyqaralyq standarttarǵa saı robot jasalsa el úshin budan artyq qandaı jarnama qajet? Sondyqtan búgingi jarys maqsaty talantty jastardy aıqyndaýǵa ǵana emes, sonymen qatar robototehnıkany damytýǵa da múmkindik beredi», - dedi ol óz sózinde.
Al «Shevron» kompanıasynyń ókili Qoshpanova Janardyń atap ótkenindeı Shevron atalǵan baıqaýǵa osymen 4-shi jyl qatarynan qoldaý kórsetýde.
«Bıylǵy jyly biz Qazaqstan Respýblıkasymen tabysty yntymaqtastyǵymyzdyń 25-jyldyǵyn atap óttik, osy jyldary bizdiń áleýmettik ınvestısıalarymyz memleket azamattarynyń áleýetin damytýǵa arnaldy. Mysaly, birneshe jyldan beri biz tehnıkalyq bilimdi damytý baǵdarlamamyzdyń ajyramas bóligi bolyp tabylatyn Robocon Games-ti qoldaýdamyz», – dedi ol.
Arduino bazasynda robottardy daıyndaý balalardy elektronıkadan bastap baǵdarlamalaýǵa deıin robottardy qurýdyń tolyq sıklyna beıimdeıdi.
Mundaı ázirleý LEGO EV3 bazasynda robottardy qurastyrýǵa qaraǵanda áldeqaıda qıyn jáne STEM- mazmunyna kóbirek sáıkes keledi. (STEM: S – science, T – technology, E – engineering, M – mathematics, jaratylystaný ǵylymdary, tehnologıa, ınjenerıa, matematıka t. b.).
STEM bilimin Qazaqstanda damytý - «Shevron» kompanıasynyń basym maqsattarynyń biri.
Baıqaý qorytyndysynda jeńimpazdar baǵaly syılyqtarǵa, sondaı-aq Halyqaralyq aqparattyq tehnologıalar ýnıversıtetinde oqýǵa granttar men jeńildikterge ıe boldy.
Abylaı ERJANOV, Almaty qalasy Bilim ınovasıa lıseıiniń oqýshysy, lıseı atynan jarysqa qatysqan komanda kapıtany:
– Bizdiń komanda "IITU Robocon Games!" jarysyna alǵash ret qatysty. Shyny kerek, básekelesterdiń birazy qarymdy eken, baıqaýǵa birneshe ret qatysyp, tájirıbe jınaqtaǵany kórinip tur. Sondyqtan bul joly qarsylastarymyzdy barlap, qarym-qabiletterin synadyq.
Bul báseke bizge úlken mektep boldy. Qazaqstandaǵy robototehnıka salasynyń negizin qalaıtyn alǵashqy ónertapqyshtar atanǵymyz keledi.
Osy maqsatta ózimizdiń bilim-biligimizdi shyńdaı túsetin bolamyz. Sebebi, robototehnıka salasy bir ornynda turmaıdy. Ataǵy álemge taraǵan Feısýbk, Gýgl, Amazon sıaqty áıgili kompanıalardyń qatarynda qyzmet etip, qazaq balasy da tyń ıdeıalardyń bastamashysy bolaryn dáleldemek oıymyz bar.
Búgin sharaǵa Shevron kompanıasy qoldaý kórsetken eken. Aıtar alǵysymyz sheksiz. Kompanıa qoldaýynyń arqasynda biz óz jobamyzdy tanystyrýǵa múmkindik aldyq.
Bilim ınovasıa lıseıiniń oqýshylary úshin osy jolǵy baıqaý alǵashqy baspaldyq boldy. Budan da bıik belesterdi baǵyndaryrymyzǵa bek senimdimin.
